Palaŭničyja, jehiery i rabotniki laśnictvaŭ Viciebskaj vobłaści adznačajuć prykmietna ŭzrosłuju kolkaść buraha miadźviedzia ŭ Biešankovickim, Viciebskim, Haradockim, Loźnienskim, Aršanskim i Šumilinskim rajonach.
Na kasałapych stali skardzicca miascovyja žychary. Sustrečy ludziej ź miadźviedziami ŭ paŭnočnym rehijonie krainy adbyvajucca davoli časta, ale pakul miški pavodziać siabie na ździŭleńnie taktoŭna. Vypadkaŭ napadu na ludziej nie zafiksavana, choć bieź incydentaŭ nie abychodzicca, jak piša fishing.by.
Tak, u vioscy Dubroŭskaje Šumilinskaha rajona miascovy žychar sustreŭ miadźviedzia kala svajho kania, jaki paśviŭsia na poli. Pry hetym drapiežnik nie atakavaŭ. Mahčyma, kania vyratavaŭ žalezny łancuh, na jaki toj byŭ naviazany: dzikija źviary instynktyŭna bajacca laskańnia mietału.
Niadaŭna ź miadźviedzicaj i miedźviedzianiatami sustrełasia na svaim aharodzie žycharka vioski Kavalova Viciebskaha rajona. Miadźviedzica prykmiet ahresii nie vyjaŭlała, prosta prajšła mima, ale padobnaje susiedstva mocna napałochała žycharoŭ vioski.
Sustreŭsia ź miedźviedzianiatami i žychar vioski Krupčyna Šumilinskaha rajona. Pa słovach mužčyny, u kancy červienia «małyja» vybiehli na jaho prysiadzibny ŭčastak prykładna ab 11-j hadzinie viečara, kali źmiarkałasia. Miadźviedzicy viaskoviec nie bačyŭ, ale niešta traščała ŭ kustach zzadu ŭčastka. Miedźviedzianiaty biehli prosta na čałavieka i spynilisia, tolki kali toj uklučyŭ lichtar i plasnuŭ u ładki.
Paśla čaho kasałapyja viarnulisia nazad u les. U hetaj ža vioscy miadźviedź zabraŭsia na pčalnik adnaho ź miascovych žycharoŭ. Taksama viadomyja vypadki sustrečy rybakoŭ ź miadźviedziami. Adbylisia jany ŭ najbolš haračy i zasušlivy pieryjad minułaha miesiaca.
Što budzie dalej z burym miadźviedziem?
Ciapier za vyklučeńnie miadźviedzia z Čyrvonaj knihi vystupajuć mnohija pradstaŭniki Biełaruskaha tavarystva palaŭničych i rybałovaŭ i Ministerstva lasnoj haspadarki Respubliki Biełaruś.
Na ich dumku, nadychodzić momant, kali hetaje pytańnie daviadziecca vyrašać, bo havorka idzie pra abaronu ludziej.
Miadźviedzi nie adčuvajuć pahrozy z boku čałavieka i pavodziać siabie adpaviednym čynam, pastupova pierabirajučysia z zakaźnikaŭ i hłuchich lasoŭ bližej da viosak. U zakanadaŭstvie Biełarusi jość paniaćcie «pahroza žyćciu», pry peŭnych abstavinach rašeńnie ab adstrele čyrvanaknižnaha źviera mohuć pryniać orhany miascovaj vykanaŭčaj ułady.
Ale padstaŭ dla padobnych rašeńniaŭ miadźviedzi pakul nie davali. Navukoŭcy Akademii navuk pa bijaresursach u svaju čarhu taksama spasyłajucca na zakanadaŭstva i kažuć pra zaŭčasnaść pryniaćcia padobnaha rašeńnia.
Vyklučyć buraha miadźviedzia z Čyrvonaj knihi Biełarusi možna tolki pry adpaviednaści jaho kolkaści i ŭmoŭ pražyvańnia ŭstanoŭlenym zakanadaŭstvam normam.
Śpiecyjalisty ciapier pravodziać vialikuju pracu pa vyznačeńni realnaj kolkaści źviera, raspracoŭvajucca novyja mietady jaho ŭliku z vykarystańniem sučasnych srodkaŭ nazirańnia.
Kankretnaje rašeńnie ab miadźviedziach budzie prymacca pa vynikach hetaha padliku.
Kamientary
Nieimietsia?
Aisty, bobry, zubry...
Tiepieŕ i miedviedi?
Nie proŝie li Šunieviču svaliť na istoričieskuju rodinu? Ostav, v pokoje Biełaruś!