Maski z vyjavami prezidenta Rasii Uładzimira Pucina (sprava) i ŭładalnika PVK «Vahnier» Jaŭhiena Pryhožyna vystaŭlenyja siarod inšych na prodaž u suvienirnaj kramie ŭ Sankt-Pieciarburhu. Fota: AP
Pavodle infarmacyi Libération, jakaja spasyłajecca na krynicy ŭ zachodniaj vyviedcy, Jaŭhien Pryhožyn razam z kamandzirami PVK «Vahnier» sustreŭsia z Uładzimiram Pucinym, piša «Ahientstvo».
U Kreml Pryhožyn byŭ vyklikany jašče 1 lipienia, na sustrečach jaho supravadžali kamandziry PVK, jak śćviardžaje hazieta.
Pa danych vydańnia, Pryhožyna taksama vysłuchali dyrektar Rashvardyi Viktar Zołataŭ i kiraŭnik Słužby źniešniaj raźviedki Siarhiej Naryškin.
Zhodna z uhodaj pamiž Pryhožynym i Kramlom, paśla jakoj zasnavalnik PVK «Vahnier» spyniŭ marš na Maskvu, jon pavinien byŭ vyjechać u Biełaruś. Adnak Alaksandr Łukašenka ŭ čaćvier zajaviŭ, što Pryhožyna niama ŭ krainie. Pavodle źviestak Łukašenki, Pryhožyn «znachodzicca ŭ Piciery, moža być, u Maskvu pajechaŭ».
Łukašenka taksama dapuściŭ, što Pucin moh źmiakčyć svajo staŭleńnie da Pryhožyna.
Pres-sakratar Pucina Dźmitryj Piaskoŭ u piatnicu zajaviŭ, što Kreml nie sočyć za pierasoŭvańniami Pryhožyna. «Nie majem ni mahčymaści, ni žadańnia heta rabić», — skazaŭ jon.
Ci pryjeduć vahnieraŭcy ŭ Biełaruś, pa-raniejšamu nieviadoma. Łahier pad Asipovičami, jaki, jak mierkavałasia, terminova pačali budavać dla bajcoŭ PVK, ciapier pusty, a Minabarony Biełarusi skazała, što źbirajecca vykarystoŭvać jaho dla vučeńniaŭ terabarony.
Čytajcie taksama:
Uzbrojenyja ciły Biełarusi hatovyja pieraniać najbahaciejšy dośvied PVK «Vahnier» — Minabarony
Kamandzir «Vahniera»: My ŭsie ŭ adpačynku da pačatku žniŭnia, a paśla jedziem u Biełaruś
Strałkoŭ patłumačyŭ, našto patrebny adzin adnamu Łukašenka i «Vahnier»
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)