Niamieččyna pieradaść Ukrainie 25 tankaŭ Leopard i dźvie ŭstanoŭki ZRK Patriot
Ułady Niamieččyny ŭchvalili pieradaču USU dadatkovaha ŭzbrajeńnia na sumu 700 młn jeŭra.
![](http://nashaniva.com/img/w732d4webp1/photos/z_2023_07/tank-leopard-1-wkzzw-kp3n5-ux374-k4dvz.jpg.webp)
Tank Leopard. Fota: Wikimedia Commons
Ministr abarony Niamieččyny Borys Pistoryus zajaviŭ na samicie ŭ Vilni, što novy pakiet «słužyć pryjarytetam Ukrainy — SPA, tanki, artyleryja».
Pavodle papiarednich źviestak, Ukraina atrymaje 40 bajavych mašyn piachoty Marder, 25 bajavych tankaŭ Leopard 1, piać braniavanych ramontna-evakuacyjnych mašyn, a taksama dźvie puskavyja ŭstanoŭki dla zienitnych rakiet Patriot.
Akramia taho, Niamieččyna źbirajecca pieradać Kijevu 20 tysiač artyleryjskich bojeprypasaŭ, piać tysiač dymavych bojeprypasaŭ, a taksama raźviedvalnyja bieśpiłotniki i srodki abarony ad dronaŭ.
Kamientary