Łaŭroŭ pryraŭniaŭ fakt źjaŭleńnia samalotaŭ F-16 va Ukrainy da pahrozy ŭ jadziernaj śfiery
Jak adznačyŭ kiraŭnik MZS RF, ZŠA i ich sajuźniki pa NATA stvarajuć ryzyki pramoha ŭzbrojenaha sutyknieńnia z Rasijaj, što pahražaje «katastrafičnymi nastupstvami».
Sam fakt źjaŭleńnia va Ukrainie źniščalnikaŭ F-16, zdolnych nieści jadziernuju zbroju, budzie razhladacca Rasijaj jak pahroza z boku Zachadu ŭ jadziernaj śfiery. Pra heta zajaviŭ ministr zamiežnych spraŭ Rasii Siarhiej Łaŭroŭ, jak piša TASS.
«Prykład vielmi niebiaśpiečnaha raźvićcia padziej — płany ZŠA pa pieradačy kijeŭskamu režymu źniščalnikaŭ F-16. My prainfarmavali jadziernyja dziaržavy ZŠA, Vialikabrytaniju i Francyju, što Rasija nie moža ihnaravać zdolnaść hetych samalotaŭ nieści jadziernuju zbroju. Nijakija zapeŭnivańni tut nie dapamohuć. U chodzie bajavych dziejańniaŭ našy vajskoŭcy nie buduć raźbiracca, ci abstalavany kožny kankretny samalot nazvanaha typu pad dastaŭku jadziernych uzbrajeńniaŭ albo nie. Sam fakt źjaŭleńnia takich sistem va Uzbrojenych sił Ukrainy budzie razhladacca nami jak pahroza z boku Zachadu ŭ jadziernaj śfiery», — padkreśliŭ Łaŭroŭ.
Jak adznačyŭ kiraŭnik MZS RF, ZŠA i ich sajuźniki pa NATA stvarajuć ryzyki pramoha ŭzbrojenaha sutyknieńnia z Rasijaj, što pahražaje «katastrafičnymi nastupstvami». Na Zachadzie, sa słoŭ Łaŭrova, robiać dziejańni, jakija znoŭ i znoŭ vymušajuć Rasiju pakazvać na ryzyki stratehičnaha charaktaru, jakija sparadžajucca ahresiŭnaj antyrasijskaj palitykaj. Rasijski ministr znoŭ paznačyŭ, što ŭmovy ŭžyvańnia Rasijaj jadziernaj zbroi apisanyja ŭ vajskovaj daktrynie.
Raniej pamočnik prezidenta ZŠA ŭ nacyjanalnaj biaśpiecy Džejk Salivan zajaviŭ, što krainy Jeŭropy pieradaduć źniščalniki F-16 Ukrainie paśla zakančeńnia navučańnia vajskovych lotčykaŭ.
Što čakaje Biełaruś u bližejšyja piać hadoŭ? A Rasiju i Jeŭropu? Śpiecdakładčyk AAN pa Biełarusi daje svoj raskład5
Kamientary
Tiebie vierno zamietili,v lubom vojentorhie možno kupiť i ef-16 i vsie takoje,
Obtiekaj.