Tut i dalej fota: Ofis Śviatłany Cichanoŭskaj
Zranku Śviatłana Cichanoŭskaja naviedała Biełaruskuju słužbu Polskaha radyjo. Hetaja redakcyja viaščaje ź Biełastoka pa-biełarusku dla biełarusaŭ, jakija žyvuć u Polščy. Jana padziakavała žurnalistam za pracu i padkreśliła važnaść biełaruskamoŭnych miedyja dla zachavańnia biełaruskaj identyčnaści.
Potym biełaruskaja lidarka naviedała Muziej małoj Baćkaŭščyny ŭ Studzivodach i sustrełasia ź jaho dyrektaram Darafiejem Fijonikam. Hety muziej ładzić vystavy, majstar-kłasy narodnych ramiostvaŭ, fiestyvali, pravodzić etnahrafičnyja ekśpiedycyi, a taksama zajmajecca vydavieckaj dziejnaściu. Tut Cichanoŭskaja, jakaja sama rodam ź Mikaševičaŭ, adznačyła vialikaje padabienstva paleskich i padlaskich havorak.
Paźniej Śviatłana Cichanoŭskaja razam sa svaim namieśnikam pa Abjadnanym pierachodnym kabiniecie Paŭłam Łatuškam naviedała biełaruskamoŭnuju škołu №3 imia Jarasłava Kastyceviča i II Ahulnaadukacyjny licej imia Branisłava Taraškieviča ź biełaruskaj movaj navučańnia ŭ Bielsku Padlaskim. Tut Cichanoŭskaja paznajomiłasia z nastaŭnikami i vučniami škoły, adznačyŭšy važnaść zachavańnia biełaruskamoŭnaj adukacyi.
Taksama Śviatłana Cichanoŭskaja paŭdzielničała ŭ pravasłaŭnaj słužbie ŭ carkvie i ŭskłała kvietki da kryža ŭ pamiać dziasiatkaŭ zabitych u 1946 hodzie atradami pad kamandavańniem Ramualda Rajsa (pa mianušcy Bury) pravasłaŭnych žycharoŭ vioski Zalašany. Paśla hetaha Cichanoŭskaja naviedała pravasłaŭny žanočy manastyr Śviatoj Kaciaryny ŭ Zalašanach.
U kancy Śviatłana Cichanoŭskaja naviedała viosku Mastaŭlany, dzie naradziŭsia Kastuś Kalinoŭski, i ŭskłała kvietki da pomnika paŭstancam. U Mastaŭlanach jana znachodziłasia ŭsiaho za 200 mietraŭ ad biełaruskaj miažy.
Uviečary Śviatłana Cichanoŭskaja aficyjna adkryła fiestyval Tutaka, udzieł u jakim biaruć tysiačy biełarusaŭ.
Čytajcie taksama:
Dzie adpačyć i što pahladzieć na Padlaššy?
U Biełastoku siońnia ŭračysta adkryli skvier Volnaj Biełarusi FOTY
nu j
dzie jano?