Palitźniavolenaja Volha Jałcevič vyjšła na volu. Jana dapamahała apłočvać štrafy represavanym
Sud Maskoŭskaha rajona Bresta ŭ lipieni minułaha hoda asudziŭ žycharku Dokšycaŭ na 2 hady kałonii za «finansavańnie pratesnaj dziejnaści» (č. 2 art. 342 KK).
Zhodna z materyjałami śledstva Volha nie paźniej za 12 žniŭnia 2020 hoda «na roznych internet-resursach ad imia adnaho z zamiežnych fondaŭ apublikavała infarmacyju pra zbor hrošaj dla padtrymki hramadzian, jakija brali ŭdzieł u niesankcyjanavanych masavych mierapryjemstvach».
Volha apłočvała sumy nakładzienych na pravaparušalnikaŭ hrašovych spahnańniaŭ, pasłuhi advakataŭ, dziaržaŭnuju pošlinu za padaču skarhaŭ.
Viadoma, što ŭ bresckim SIZA žančynu bolš za 50 sutak utrymlivali ŭ karcary. Na znak pratestu suprać parušeńnia jaje pravoŭ i nievynosnych umovaŭ utrymańnia jana nieadnojčy trymała haładoŭku. Termin Volha adbyvała ŭ homielskaj kałonii № 4.
21 lipienia 2023 hoda Jałcevič vyjšła na volu, całkam adbyŭšy svoj termin, piša Volha Kłaskoŭskaja. U źniavoleńni jana adbyła 1 hod, 7 miesiacaŭ i 5 dzion.
«Chto ź joj siadzieŭ — kažuć, što Volha za kratami trymałasia mocna i hodna», — napisaŭ u sacsietkach jaje ziamlak Kastuś Šytal.
Łatuška: Ryžankoŭ maryć stać prezidentam Biełarusi i nienavidzić Łukašenku. Jon nie projdzie detektar chłuśni6
Kamientary