Zdaroŭje11

Siarod maładych ludziej raście zaležnaść ad zaspakajalnych i snatvornych preparataŭ

Vykarystańnie siedatyŭnych, snatvornych i supraćtryvožnych srodkaŭ siarod padletkaŭ i moładzi za apošnija dziesiacihodździ stała surjoznaj prablemaj, kažuć navukoŭcy.

boy and pills chłopiec tabletki malčik tabletki
Fota: Getty Images

Daśledavańnie, praviedzienaje navukoŭcami z Rathierskaha ŭniviersiteta (ZŠA) i apublikavanaje ŭ časopisie Addiction, pakazała značny rost kolkaści dyjahnazaŭ, źviazanych z užyvańniem siedatyŭnych, snatvornych i supraćtryvožnych preparataŭ.

Z 2001 pa 2019 hod častata takich dyjahnazaŭ vyrasła ŭ try razy siarod padletkaŭ i ŭ piać razoŭ siarod maładych ludziej.

Daśledavańnie hruntavałasia na danych nacyjanalnaj sistemy Medicaid, uklučajučy amal 7 miljonaŭ padletkaŭ i moładzi ŭ 2001 hodzie i amal 13 miljonaŭ u 2019 hodzie. Navukoŭcy vyjavili, što pavieličeńnie dyjahnazaŭ zaležnaści moža być źviazana jak z bolš šyrokim užyvańniem hetych preparataŭ, tak i z palapšeńniem ich vyjaŭleńnia i dyjahnostyki.

Siedatyŭnyja, snatvornyja i supraćtryvožnyja preparaty časta vykarystoŭvajucca dla lekavańnia biassońnicy, tryvožnaści i inšych stanaŭ. Adnak ich praciahłaje prymianieńnie pavyšaje talerantnaść, što zmušaje pacyjentaŭ pavialičvać dozy dla dasiahnieńnia efiektu. Heta moža pryvieści da farmavańnia zaležnaści, jakaja, pavodle danych Nacyjanalnaha apytańnia pa ŭžyvańni psichaaktyŭnych rečyvaŭ i zdaroŭi, zakranaje kala 2,2 miljona amierykancaŭ.

Navukoŭcy taksama vyśvietlili, što bolšaść padletkaŭ i maładych ludziej, jakim byŭ pastaŭleny dyjahnaz zaležnaści ad hetych preparataŭ, nie mieli recepta na ich. Hetyja srodki časta traplali da ich praź siabroŭ, siamiejnyja aptečki abo niezakonnyja krynicy. Tym nie mienš, u hrupie z receptami ŭzrovień zaležnaści taksama byŭ padvyšany.

Dadatkovym čyńnikam ryzyki źjaŭlajecca spałučeńnie hetaj zaležnaści ź inšymi zachvorvańniami, źviazanymi z užyvańniem psichaaktyŭnych rečyvaŭ: padletkami — marychuany, a maładymi ludźmi — apioidaŭ.

«Choć zaležnaść ad snatvornych i supraćtryvožnych preparataŭ mienš raspaŭsiudžanaja, čym inšyja vidy zaležnaści, jana zasłuhoŭvaje asablivaj uvahi z boku daktaroŭ i daśledčykaŭ, uličvajučy ciažkaści lekavańnia i suviaź ź inšymi prablemami, źviazanymi z užyvańniem psichaaktyŭnych rečyvaŭ», — adznačaje viadučy aŭtar daśledavańnia prafiesar Hreta Bušneł (Greta Bushnell).

Jana padkreślivaje, što dla źnižeńnia častaty zaležnaści ad siedatyŭnych, snatvornych i supraćtryvožnych preparataŭ nieabchodna aktyŭniej praduchilać ich niezakonny abarot i pryznačać ich maładym pacyjentam ź vializnaj aściarožnaściu.

Navukoŭcy ličać, što dalejšaje vyvučeńnie hetaj prablemy dapamoža lepš zrazumieć uraźlivuju hrupu i raspracavać bolš efiektyŭnyja stratehii padtrymki i terapii.

Kamientary1

  • piečal
    25.01.2025
    hihantskije objemy informacii, kotoryje obrušiliś na mozh dietiej i podrostkov v intiernietie, dajut svoi płody. psichika nie spravlajetsia
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Miarkujučy pa pasažyrapatoku transpartu, nasielnictva Biełarusi z 2019-ha skaraciłasia, moža, navat na 1,2 miljona čałaviek20

Miarkujučy pa pasažyrapatoku transpartu, nasielnictva Biełarusi z 2019-ha skaraciłasia, moža, navat na 1,2 miljona čałaviek

Usie naviny →
Usie naviny

Najlepšyja sieryjały hoda: śpis usich naminantaŭ na premiju «Emi»1

U Indyi znajšli rasijanku, jakaja razam ź dziećmi žyła ŭ piačory1

Va Ukrainie na palihonie kursant zastreliŭ instruktaraŭ z aŭtamata6

Biełarusam patłumačyli, što rabić, kali ŭpaŭ dron2

Na plažy ŭ Minsku pakazvajuć filmy2

«Jula — nie pra hrošy». Urad Ukrainy ŭznačalić žančyna

Žurnalisty vyśvietlili imia «Doktara Zło», što katavaŭ ukrainskich pałonnych u rasijskaj kałonii7

Łukašenka raskazaŭ svajo ŭjaŭleńnie pra rolu prafsajuzaŭ u krainie7

Polku zatrymali ŭ Hdańsku za abrazu biełaruski4

bolš čytanych navin
bolš łajkanych navin

Miarkujučy pa pasažyrapatoku transpartu, nasielnictva Biełarusi z 2019-ha skaraciłasia, moža, navat na 1,2 miljona čałaviek20

Miarkujučy pa pasažyrapatoku transpartu, nasielnictva Biełarusi z 2019-ha skaraciłasia, moža, navat na 1,2 miljona čałaviek

Hałoŭnaje
Usie naviny →

Zaŭvaha:

 

 

 

 

Zakryć Paviedamić