ChatGPT dapisaŭ «Hulniu tronaŭ», čaho sam aŭtar nie zmoh zrabić za 12 hadoŭ
Ale, u adroźnieńnie ad Džordža Marcina, štučny intelekt zabivaje svaich piersanažaŭ nie tak achvotna.
Adzin z fanataŭ suśvietu «Pieśni lodu i połymia» pry dapamozie niejrasietki ChatGPT całkam dapisaŭ dźvie apošnija knihi ź sieryi, a mienavita «Viatry zimy» i «Mroi ab viaśnie». Pra heta 19 lipienia napisaŭ bujny partał IGN, jaki zdoleŭ pahutaryć z tym samym fanatam.
Niezaležny entuzijast Liam Suejn raspavioŭ IGN, što dla atrymańnia takoha vyniku padčas pracy z ChatGPT jon vykarystoŭvaŭ adnu i tuju ž padkazku-zapros, kab spačatku atrymać ad niejrasietki «škilety» hłaŭ knih, a potym znoŭ joj zakidvaŭ hetyja «škilety» dla ich palapšeńnia i zaviaršeńnia.
Usiaho takim čynam atrymałasia zdabyć 45 hatovych hłaŭ dla adnoj knihi i prykładna stolki ž dla druhoj.
«ChatGPT choć i nie zamienić aŭtara knižnaha suśvietu Džordža Marcina, ale ŭsio ž taki jon vydatna spraviŭsia sa svajoj pracaj. Niejrasietka vydała paŭnavartasnyja i vielmi vialikija pa abjomie tvory, u jakich nie vypuskaje piersanažaŭ z-pad uvahi i ŭsialak abahulvaje ź imi siužetnyja chady i pavaroty. A pavaroty hetyja nie zaŭsiody byvajuć vidavočnymi, zusim jak u tvorach, napisanych čałaviekam», — adznačaje ŭ razmovie z IGN Liam Suejn.
Taksama jon dadaje, što štučny intelekt usio roŭna nie zdolny zamianić čałavieka ŭ litaratury, bo nie vałodaje dastatkovaj fantazijaj i tvorčaj śmiełaściu, kab trymać čytačoŭ u niaviedańni, napružańni, cikavaści i h.d.
Pa jaho nazirańni, u kantekście zroblenaj pracy nad dźviuma knihami ChatGPT prajaŭlaje siabie zališnie dobrazyčliva da cikavych piersanažaŭ historyi i nie choča pazbaŭlać ich žyćcia pa taktycy aŭtara knih Džordža Marcina, jaki pa-majstersku kiruje prychilnaściu čytačoŭ da ich lubimych i nielubimych hierojaŭ.
«Adnak pry hetym niejrasietka zdoleła darabić toje, čaho da hetaha času nie zrabiŭ Marcin na praciahu voś užo 12 hadoŭ. Ale heta nie značyć, što jon hetaha nie zrobić. Ja vielmi čakaju, jak i mnohija inšyja», — dzielicca Suejn.
Sieryja knih «Pieśnia lodu i połymia» lehła ŭ asnovu miehapapularnaha fentezijnaha sieryjała «Hulnia tronaŭ», jaki stvaryła kampanija HBO. Sam telesieryjał vychodziŭ z 2011 pa 2019 hod i ŭsiaho maje vosiem siezonaŭ, u jakich razhortvajecca historyja kryvavaj baraćby za ŭładu pamiž siamiu karaleŭstvami na kantyniencie Viesteras, jakija, u svaju čarhu, nie zaŭvažajuć nabližeńnia samaj niebiaśpiečnaj i strašnaj pahrozy va ŭsim śviecie.
Apošni vośmy siezon sieryjała staŭ samym papularnym siarod hledačoŭ i adnačasova z hetym zdaŭsia im vielmi supiarečlivym. Navat prapanoŭvałasia całkam pieraźniać siezon, kab źnizić uzrovień abureńnia fanataŭ, ale heta tak i nie adbyłosia.
Spasyłki na knihi, dapisanyja štučnym intelektam, my pakidajem tut — «Viatry zimy» i «Mroi ab viaśnie». Mova aryhinałaŭ — anhlijskaja.
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie9
Kamientary