U Padmaskoŭi ŭzbrojeny mužčyna zachapiŭ dom i pahražaŭ iści na Kreml. Jaho zabili
U Padmaskoŭi ŭzbrojeny mužčyna ŭ vajskovaj formie prakraŭsia ŭ čužy dom i ŭstupiŭ u pierastrełku ź siłavikami, a taksama zajaviŭ, što sabraŭ arsienał zbroi i źbirajecca iści na Kreml, paviedamlaje «Mieduza». U vyniku jaho zabili.
Pa infarmacyi rasijskich telehram-kanałaŭ i miedyja, incydent adbyŭsia ŭ padmaskoŭnym katedžnym pasiołku Šervud. Pavodle infarmacyi telehram-kanała Baza, mužčyna kryčaŭ, što «niadaŭna viarnuŭsia sa SVA», jon nibyta byŭ niećviarozy.
Mužčyna, jak paviedamlajecca, byŭ uzbrojeny aŭtamatam Kałašnikava. Zakładnikaŭ jon nie ŭziaŭ, usim, chto byŭ u domie, udałosia jaho pakinuć.
Kali supracoŭniki pryvatnaj achoŭnaj kampanii, jakija achoŭvajuć pasiołak, vyklikali ŭčastkovaha palicejskaha, mužčyna nibyta pačaŭ stralać pa ich z aŭtamatyčnaj zbroi.
Pry hetym jon vykrykvaŭ palityčnyja łozunhi i zajaŭlaŭ, što sabraŭ ceły arsienał zbroi, kab iści ŭ pachod na Kreml. Taksama jon nibyta kinuŭ kaktejl Mołatava, z-za čaho ŭ domie ŭźnik pažar.
Uzbrojenym mužčynam, jak paviedamiŭ deputat Dziarždumy Alaksandr Chinštejn, byŭ 35-hadovy žychar Krasnajarska Viačasłaŭ Čarnienka. U Maskvu jon pryjechaŭ niadaŭna, a adras katedža znajšoŭ u abjavie ab jaho prodažy. Sproby pierakanać Čarnienku zdacca, jakija rabilisia ŭ tym liku pry dapamozie jahonaj maci, pośpiechu nie mieli.
U vyniku TASS sa spasyłkaj na siłavikoŭ paviedamiŭ, što mužčynu, jaki zachapiŭ asabniak u padmaskoŭnym pasiołku Šervud, zabili padčas šturmu.
Akaŭnt Kabančuka ŭzłamali — ale ci biełaruskija śpiecsłužby?10
Kamientary