Hrodna, Biełastok, Koŭna. Kałaž «Naša Niva». Fota: «Naša Niva», Getty Images / Andrea Pistolesi, Getty Images / Angel Villalba
Nasielnictva
Samy vialiki pa nasielnictvie — Hrodna. Pa danych na 1 studzienia 2023 hoda, u hetym biełaruskim abłasnym centry žyvie 358 tysiač čałaviek.
U Koŭnie, pa danych na pačatak 2023 hoda, žyvie 305 tysiač čałaviek.
Biełastok krychu nie daciahvaje da płanki 300 tysiač čałaviek. Pa stanie na 31 śniežnia 2022 hoda, u horadzie žyło 292 tysiačy.
Raniej samym bujnym pa nasielnictvie było Koŭna. U 1989 hodzie horad naličvaŭ 418 tysiač žycharoŭ.
Koŭna. Fota: Getty Images/Andrea Pistolesi
Adnak paśla raspadu SSSR nasielnictva horada pačało skaračacca. Admoŭnaja dynamika zachoŭvałasia da 2019 hoda. U 2020 hodzie, upieršyniu za doŭhi pieryjad, nasielnictva horada pavialičyłasia. Tendencyja na rost žycharoŭ praciahnułasia i ŭ 2021-2023 hadach.
Nasielnictva Biełastoka za hety pieryjad pavialičvałasia stabilna, choć i niaznačna. U 1990 hodzie tam pražyvała 270 tysiač čałaviek, što na 22 tysiačy mienš, čym ciapier.
Biełastok. Fota: Getty Images/SW Photography
Rekardsmienam pa pryroście nasielnictva staŭ Hrodna. U 1988 hodzie horad naličvaŭ 272 tysiačy žycharoŭ suprać 358 tysiač ciapier.
Ceny na nieruchomuju majomaść
Samyja vysokija ceny na nieruchomuju majomaść u Biełastoku. Zhodna z danymi partała zametr.pl, «kvadrat» u hetym polskim horadzie kaštuje 8390 złotych, što składaje amal 1900 jeŭra pa biahučym kursie.
Na druhim miescy idzie Koŭna. Tam «kvadrat» u siarednim kaštuje 1710 jeŭra.
Nieruchomaja majomaść u Hrodnie ŭ niekalki razoŭ tańniejšaja — kala 720 jeŭra za «kvadrat».
Hrodna. Fota: «Naša Niva»
Na siaredni zarobak siaredniestatystyčny žychar Biełastoka moža nabyć usiaho 0,47 m², u toj čas jak žychary Koŭna i Hrodna na adnu siaredniuju zarpłatu mohuć nabyć kala 0,68 m².
Zarobki
Bolš za ŭsio zarablajuć u Koŭnie. Tam siaredniaja zarpłata na ruki składaje 1167 jeŭra.
U Biełastoku siaredniaja zarpłata — kala 910 jeŭra. Pa ŭzroŭni zarpłat Biełastok zajmaje apošniaje miesca siarod usich vajavodstvaŭ (anałah našych abłaściej) u Polščy.
Siaredniaja zarpłata ŭ Hrodnie składaje krychu mienš za 500 jeŭra ŭ pieraliku.
Ilustracyjny zdymak. Fota: «Naša Niva»
Kolkaść aŭto
Najvyšejšy ŭzrovień aŭtamabilizacyi — u Biełastoku, tam na 1000 žycharoŭ prychodzicca amal 500 aŭto (danyja na kaniec 2020 hoda). Krychu mienš aŭto na dušu nasielnictva ŭ Koŭnie: pa danych na 2021 hod, na 1000 haradžan prychodziłasia 457 aŭto.
Dakładnaja ličba, kolki lehkavikoŭ zarehistravana ŭ Hrodnie, nieviadomaja. Ahułam pa vobłaści hety pakazčyk składaje 380 aŭto. Pa im Hrodzienskaja vobłaść apieradžaje navat Minsk z 309 aŭto na 1000 čałaviek.
Ceny na paliva
Samaje tannaje paliva, kaniešnie, u Biełarusi. Litr salarki abo bienzinu marki AI-95 u nas kaštuje kala 0,69 jeŭra. U Polščy i Litvie litr dyzielu kaštuje kala 1,4 jeŭra, a litr 95-ha — 1,5 jeŭra.
Ilustracyjny zdymak. Fota: Getty Images/SolStock
Bolš za ŭsich paliva na siaredniuju zarpłatu moža nabyć siaredniestatystyčny žychar Koŭna — kala 800 litraŭ. Hrodzieniec ź siaredniaj zarpłataj moža dazvolić sabie kala 720 litraŭ, a siaredniestatystyčny žychar Biełastoka — kala 620 litraŭ.
Hramadski transpart
Bieźlimitny prajazny na miesiac u Hrodnie kaštuje 48 rubloŭ 4 kapiejki, što kala 14 jeŭra pa biahučym kursie. U Koŭnie miesiačny prajazny abydziecca ŭ 28 jeŭra, a ŭ Biełastoku — u 140 złotych, ci kala 31 jeŭra.
Pajezdka na taksi adlehłaściu 5 kiłamietraŭ pa Hrodnie abydziecca pryblizna ŭ 6-7 rubloŭ. Heta kala 2 jeŭra. U Biełastoku — u 3-4 jeŭra. U Koŭnie anałahičnaja pajezdka budzie kaštavać 4-5 jeŭra.
Rejtynhi jakaści žyćcia
U kožnaj z troch krain jość svoj rejtynh, dzie vyznačajecca jakaść žyćcia ŭ haradach.
Hrodna. Fota: «Naša Niva»
Koŭna pa jakaści žyćcia zajmaje druhoje miesca ŭ Litvie, sastupajučy tolki Vilni. Toje samaje z Hrodnam, jaki ŭ Biełarusi znachodzicca na druhim miescy paśla Minska. Biełastok u rejtynhu najlepšych haradoŭ Polščy dla žyćcia zajmaje 16 radok. Cikava, što Varšava ŭ hetym śpisie na 12 miescy, a pieršy radok — za Poznańniu.
Ci nie stanie Novaja Baravaja spalnikam i ci płanuje jaje zabudoŭščyk iści ŭ rehijony?
«Adstaju za vas». Za kolki pradajuć miesca ŭ čarzie na miažy ź Litvoj i Polščaj
Padličana da rubla. Ministr ekanomiki raskazaŭ, jakim budzie zarobak u nastupnym hodzie
