Prysiažnyja ŭ łondanskim sudzie pryznali akciora Kievina Spejsi nievinavatym u seksualnych damahańniach. Sud apraŭdaŭ jaho pa dzieviaci punktach abvinavačańnia, jakija tyčylisia damahańniaŭ u dačynieńni da čatyroch mužčyn. Pierad vyniasieńniem vierdyktu prysiažnyja railisia bolš za 12 hadzin, piša Bi-bi-si.
Sam Kievin Spejsi adreahavaŭ na rašeńnie emacyjna. Pačuŭšy, što jaho apraŭdali pa ŭsich epizodach, jon raspłakaŭsia.
Spejsi nie pryznavaŭ vinu ni pa adnym z hetych epizodaŭ, jakija adnosiacca da pieryjadu 2001—2013 hadoŭ.
Praces u karaleŭskim sudzie Saŭtuarka ŭ Łondanie praciahvaŭsia amal miesiac.
Imiony mierkavanych achviar nie ahučvalisia ŭ metach zachavańnia abjektyŭnaści pracesu.
Abvinavačańni budavalisia na epizodach roznaj stupieni ciažkaści: ad damahańniaŭ da seksualnaha hvałtu.
Spejsi padčas dačy pakazańniaŭ zajaviŭ, što razdušany abvinavačańniami, jakija vystaŭlenyja suprać jaho.
Akcior śćviardžaŭ, što ŭsie dziejańni pamiž im i abvinavaŭcami ździajśnialisia pa ŭzajemnaj zhodzie, a hvałtu ŭ ich nie było.
Praces u Łondanie — treciaja sprava suprać Kievina Spejsi, jakaja dajšła da suda. Pieršyja dźvie jon taksama vyjhraŭ.
-
«Zmahacca za svajo žyćcio kožny čortaŭ dzień». Amierykanski repier vahoj 220 kh vyjšaŭ na scenu z kisłarodnym bałonam FOTY
-
«U Hruzii niama zacemientavanaj aŭtarytarnaj dziaržavy z žorstkaj viertykallu». Biełarus raskazaŭ, u čym śpiecyfika hruzinskich pratestaŭ
-
Pa damoŭlenaści ź siryjskimi paŭstancami bajcy kurdskich Siryjskich demakratyčnych siłaŭ pakinuli rajon Alepa
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary