Biełaruskaja avijakampanija «Biełavija» pradaje adzin sa svaich samalotaŭ Boeing. Aŭkcyjon pryznačyli na 18 žniŭnia. Startavaja cana — 5,7 miljona rubloŭ. Samalot Boeing 737-500 vypuščany ŭ 1996 hodzie i maje bartavy numar EW-290PA.
U aŭkcyjonnym łocie paviedamlajuć nastupnaje:
«Majomaść, jakaja była va ŭžytku. Pracazdolnaść RUZ, vuzły i ahrehaty nie praviaralisia. U čas instrumientalnaha kantrolu, dyjahnostyki, razborki mahčyma vyjaŭleńnie schavanych defiektaŭ. Udzielnik aŭkcyjonu samastojna znajomicca z pradmietam aŭkcyjonu, jaho kamplektnaściu, najaŭnaściu dakumientacyi i biahučym techničnym stanam u miescy jaho znachodžańnia da pačatku tarhoŭ».
Pieršapačatkova hety samalot uvachodziŭ u skład pavietranaha fłotu Brazilii, potym vykarystoŭvaŭsia litoŭskim avijapieravozčykam, a ŭ «Biełavija» jon z 2009 hoda.
Sioleta bort EW-290PA lotaŭ usiaho adzin raz, ź Jekaciarynburha ŭ Minsk, a potym stajaŭ na zachoŭvańni.
Ułady ZŠA ŭ 2022 hodzie zabaranili absłuhoŭvańnie Boeing ź Biełarusi, tamu ruchaviki hetaha pavietranaha sudna majuć patrebu ŭ kapramoncie.
Zychodziačy sa źviestak z sajta «Biełavija», u parku avijakampanii jašče zastajucca i inšyja samaloty Boeing i Embraer.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary