11 žniŭnia avijakampanija «Biełavija» płanuje vykanać pieršy rehularny rejs pa maršrucie Minsk — Deli — Minsk.
Rejsy buduć vykonvacca raz na tydzień pa piatnicach (z Deli — pa subotach). Z 20 vieraśnia ŭ raskładzie źjavicca druhi rejs u tydzień z vyletam ź Minska pa sieradach (z Deli — pa čaćviarhach), paviedamlaje pres-słužba kampanii.
Vylet ź Minska — u 20:25, prybyćcio ŭ Deli — u 05:35, čas u palocie — 6 hadzin 40 chvilin.
Zvarotny rejs z Deli zapłanavany ŭ 06:55, u Minsku pasažyry pryziamlacca ŭ 11:40, čas u palocie — 7 hadzin 15 chvilin. Čas dla ŭsich aeraportaŭ paznačany miascovy, roźnica ź Minskam składaje dźvie z pałovaj hadziny.
Košt palotu ŭ adzin bok pačynajecca ad 319 jeŭra, u abodva baki — 569 jeŭra.
«My viedajem, što pasažyry vielmi čakali adkryćcia hetaha rejsa. I našy śpiecyjalisty doŭha pracavali nad tym, kab žadańnie padarožnikaŭ spoŭniłasia. Ja z upeŭnienaściu mahu skazać, što heta adzin z samych cikavych napramkaŭ u maršrutnaj sietcy avijakampanii. My vyrašyli prablemu tych, chto daŭno maryŭ pahruzicca ŭ indyjski kałaryt i adčuć na sabie kulturu inšaj krainy, ale nie hatovy byŭ adpraŭlacca ŭ doŭhaje padarožža sa stykoŭkami. Zaraz, kab adpravicca ŭ Indyju, dastatkova nabyć adzin bilet, uziać dobry nastroj i sieści ŭ samalot. A my dastavim vas da novych emocyj», — adznačyŭ hienieralny dyrektar avijakampanii Ihar Čarhiniec.
Hramadzianam Respubliki Biełaruś dla pajezdki ŭ Indyju nieabchodna viza, jakuju možna aformić anłajn: elektronnaja viza vydajecca terminam na 30 dzion, hod ci piać hadoŭ.
Mižnarodny aeraport imia Indziry Handzi raźmieščany za 16 kiłamietraŭ ad centra horada. Dajechać u Deli možna na taksi, na mietro, aŭtobusie ci arandavanym aŭtamabili.
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła10
Kamientary