«Nahniatajuć situacyju» — ukrainskija pamiežniki pra vahnieraŭcaŭ u Biełarusi
U Dziaržaŭnaj pamiežnaj słužbie Ukrainy adznačajuć, što Biełaruś vykarystoŭvaje rasijskich najmitaŭ «PVK Vahnier» dla nahniatańnia situacyi, ale ich kolkaść i miescaznachodžańnie ŭ RB pakul nie ŭjaŭlajuć pahrozy dla Ukrainy.
«Situacyja na miažy ź Biełaruśsiu zastajecca kantralavanaj, niepasredna pa linii dziaržmiažy — spakojnaj. Pamiežniki nie fiksujuć pablizu miažy jakoha-niebudź pieramiaščeńnia techniki abo asabistaha składu nijakich padraździaleńniaŭ, jakija b mahli być pahrozaj dla Ukrainy. Ale, viadoma, pilnaja ŭvaha prykavanaja da znachodžańnia rasijskich najmitaŭ z pryvatnych vajskovych kampanij na terytoryi RB», — zajaviŭ śpikier DPSU Andrej Dziemčanka.
Pavodle źviestak DPSU, ciapier vahnieraŭcaŭ na terytoryi Biełarusi krychu bolš za 5 tysiač i jany znachodziacca na značnaj adlehłaści ad miažy z Ukrainaj.
«Adnak padraździaleńni raźviedki, u tym liku raźviedki Dziaržpahransłužby praciahvajuć adsočvać umovy ich znachodžańnia, jak jany buduć u dalejšym pryciahnutyja i nakolki jany buduć pradstaŭlać pahrozu Ukrainie. Ciapier my bačym, što jany bolš nahniatajuć situacyju, u tym liku ŭ dačynieńni da krainaŭ ES. Heta svajho rodu adzin z faktaraŭ upłyvu, jaki jany praciahvajuć vykarystoŭvać», — zaklučyŭ Dziemčanka.
13-ja kałona vahnieraŭcaŭ zajechała ŭ Biełaruś
«Tušonki źjeli bolš, čym za ŭsio žyćcio». U čatach svajakoŭ vahnieraŭcaŭ raschvalvajuć umovy, u jakich jany žyvuć u Biełarusi
Litva pry nieabchodnaści hatovaja zakryć miažu ź Biełaruśsiu i Rasijaj u luby momant — MUS
Arastovič: Metaj vahnieraŭcaŭ mohuć stać Vilnia ci Dźvinsk
Ciapier čytajuć
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi17
Kamientary