U kałonie kala 80 mašyn. Taksama byŭ zaŭvažany šery aŭtobus z čyrvona-zialonym spałučeńniem koleraŭ łukašenkaŭcaŭ i hierbam.
Pa trasie M5 ad Babrujska ŭ napramku Asipovičaŭ ruchajecca 13-ja kałona najmitaŭ PVK «Vahnier», jakaja naličvaje jak minimum 80 adzinak aŭtamabilnaj techniki, paviedamlaje «Biełaruski Hajun».
U kałonie prysutničajuć bronieaŭtamabili «Ščupak» («Čakan»), bienzavozy, PAZ, aŭtobusy, KamAZy tentavanyja i bartavyja, fury i Urały, pikapy i lehkavyja aŭto, niekalki trałaŭ, hruzavik z manipulataram i «buchanki».
Charakterna, što niekatoryja bronieaŭtamabili ruchajucca sa źmienienaj zadniaj častkaj — u vyhladzie KUNHa, na jaki naniesieny kryž, jak sanitarnaja mašyna. Taksama ŭ kałonie byŭ zaŭvažany šery aŭtobus z čyrvona-zialonym spałučeńniem koleraŭ łukašenkaŭcaŭ i hierbam.
Mašyny ruchajucca na numarach ŁNR abo RF, u supravadžeńni DAI. Kałona prajazdžaje Asipovičy i dalej, jak i ŭsie papiarednija, pojdzie ŭ napramku łahiera PVK «Vahnier» u v. Cel.
Chto pavinien być prezidentam Biełarusi ŭ pierachodny pieryjad? Razvažajuć viadomyja biełarusy26
Kamientary