Biełaruskich i rasijskich spartsmienak nie dapuścili da tenisnaha turniru ŭ Prazie
Urad Čechii zabaraniŭ spartsmienam z Rasii i Biełarusi ŭdzielničać u spabornictvach na terytoryi krainy z-za ŭvarvańnia Rasii va Ukrainu. Biełarusy i rasijanie nie zmohuć udzielničać u adkrytym čempijanacie pa tenisie ŭ Prazie na nastupnym tydni, paviedamlaje Sport.cz.
![](http://nnexpictures.fra1.digitaloceanspaces.com/img/w732d4webp1/photos/z_2023_07/ap23202556527966-8q6x8.jpg.webp)
Učora češskaja palicyja nie dazvoliła adnoj z rasijskich spartsmienak, proźvišča jakoj nie nazyvałasia, ujechać u krainu. Paśla hetaha vypadku praz Žanočuju tenisnuju asacyjacyju (WTA) arhanizatary źviarnulisia da inšych biełaruskich i rasijskich tenisistak, kab jany nie jechali ŭ Prahu.
U hetym vypadku adbyŭsia vyrazny kanflikt pamiž dvuma ŭzajemavyklučalnymi padychodami. Z adnaho boku, Žanočaja tenisnaja asacyjacyja (WTA) dazvalaje rasijankam i biełaruskam vystupać na turnirach u niejtralnym statusie. U toj ža čas urad Čechii zabaraniŭ spartsmienam z Rasii i Biełarusi ŭdzielničać u spabornictvach na terytoryi krainy z-za ŭzbrojenaha ŭvarvańnia Rasii va Ukrainu, jakoje padtrymali ŭłady Biełarusi. I češski ŭrad maje tut bolš miechanizmaŭ, kab nastajać na svaim.
Kamientary