«Zaŭtra słužym liturhiju jak zaŭsiody a 10-j hadzinie ranicy. Zaŭtra ž budziem malicca za zabitaha Alesia Puškina pa 40 dniach paśla jaho śmierci. Usich zaprašajem dałučycca da liturhii i da malitvy za zaŭždy pamiatnaha Alesia!» — paviedamlaje biełaruski prychod, jaki znachodzicca ŭ jurysdykcyi Kanstancinopalskaha patryjarchata, u svaim telehram-kanale.
Adras prychoda: Vilnia, Bokšto, 4 (susiedni z karčmoj «1863» budynak).
Aleś Puškin pamior 11 lipienia na 58-m hodzie žyćcia ŭ reanimacyi hrodzienskaj balnicy.
Jak stała viadoma, u jaho była prabadnaja jazva, jamu svoječasova nie dapamahli ŭ turmie.
Viadomy biełaruski mastak, žyvapisiec-nonkanfarmist, pierformier byŭ zatrymany 30 sakavika 2021 hoda i praz hod asudžany na piać hadoŭ kałonii pa abvinavačańni ŭ ździeku ź dziaržaŭnych simvałaŭ (artykuł 370 KK) i raspalvańni varožaści (častka 3 artykuła 130 KK). Spačatku pakarańnie adbyvaŭ u ivacevickaj kałonii, a potym byŭ pieraviedzieny na turemny režym u Hrodnie.
Čytajcie taksama:
Upieršyniu prajšło biełaruskaje nabaženstva ŭ jurysdykcyi Kanstancinopalskaha patryjarchata
BPC zabaraniła słužyć śviataram Hieorhiju Roju i Alaksandru Kuchcie
