Jakoje pakarańnie pahražaje za prysvajeńnie znojdzienych hrošaj ci rečaŭ i ci naležyć uznaharoda za ich viartańnie, pišuć «Minsk-Naviny».
— Kali suma naŭmysna prysvojenaj znachodki składaje dźvie i bolš bazavych vieličyń (74 rubli i bolš), takoje dziejańnie razhladajecca jak kradziež i traplaje pad kryminalnuju adkaznaść, — tłumačyć načalnik milicyi hramadskaj biaśpieki Leninskaha RUUS Ihar Kačuk. — Zabytaj abo časova pakinutaj biez nahladu reč pryznajuć u tym vypadku, kali ŭładalnik pamiataje, dzie zhubiŭ majomaść, a vinavaty ŭśviedamlaŭ, što haspadar moža viarnucca pa jaje.
Ab najaŭnaści namieru mohuć śviedčyć znojdzienyja razam sa zhublenaj rečču asabistyja dakumienty ŭładalnika, płastykavaja bankaŭskaja kartka z proźviščam, zaradžany mabilny telefon i inšaje.
Zakon abaviazvaje adrazu viarnuć znachodku ŭładalniku abo kamu-niebudź inšamu, chto maje prava atrymać jaje i pieradać haspadaru, naprykład, administrataru kafe, achoŭniku kramy, kiroŭcu tralejbusa.
Kali takich ludziej niama, treba adnieści znachodku ŭ najbližejšaje adździaleńnie milicyi.
— Na vulicach, u roznych arhanizacyjach, u punktach hramadskaha charčavańnia ŭstanoŭleny kamiery videanazirańnia, tamu vykryć niačystaha na ruku hramadzianina asablivaj pracy nie składzie, — padkreślivaje milicyjanier. — Vynosiačy prysud za tajemnaje vykradańnie majomaści (č. 1 art. 205 KK), sud moža pryznačyć abvinavačvanamu pakarańnie ŭ vyhladzie hramadskich abo papraŭčych rabot, štrafu, aryštu, abmiežavańnia abo navat pazbaŭleńnia voli na termin da troch hadoŭ.
Kali na praciahu paŭhoda ŭładalnika rečy nie znojduć, jaje viernuć čałavieku, jaki jaje znajšoŭ, i jon zmoža rasparadžacca joju pa svaim mierkavańni. U vypadku, kali jon admovicca ad majomaści, reč pieradaduć u kamunalnuju ŭłasnaść, piša vydańnie.
Toj, chto znajšoŭ čužuju majomaść i viarnuŭ uładalniku, moža patrabavać ad jaho ŭznaharodžańnie ŭ pamiery da 20% ad koštu znachodki. Kali jana ŭjaŭlaje kaštoŭnaść tolki dla jaje ŭłaśnika, to suma vyznačajecca pa damovie bakoŭ abo sudom.
Čytajcie taksama:
U minskaj balnicy pamior mužčyna nibyta paśla «hutarki» ŭ RUUS. Što pra heta viadoma?
U Małarycie ŭ mužčyny z padvała prapała 70 słoikaŭ z zakatkami
«Jamu pa načach śnilisia ludzi, jakich jon pasadziŭ». Stali viadomyja novyja detali apošnich dzion žyćcia syna Jarmošynaj6
Kamientary