Styvien Kinh. Fota: AP Photo / Patrick Semansky, File
Studentka taškienckaha filijała maskoŭskaha VHIKa (Dziaržaŭny ŭniviersitet kiniematahrafii) Hulnara Ivanova źniała film pavodle apaviadańnia Styviena Kinha «Čałaviek, jaki nie paciskaŭ ruk», kupiŭšy aŭtarskija pravy ŭ samoha Kinha ŭsiaho za adzin dalar.
Dziaŭčyna niadaŭna raspaviała kanału RTVI, što ŭdzielničała ŭ prahramie Dollar Baby, u ramkach jakoj Styvien Kinh daje mahčymaść režysioram-pačatkoŭcam z usiaho śvietu vykarystoŭvać jaho tvory. Schiema ŭdziełu vielmi prostaja: čałaviek padaje zajaŭku, dzie apisvaje svaju ideju i bačańnie taho, jakim pavinien być scenar dla filma, a potym, kali arhanizataram spadabajecca, jany źviazvajucca z udzielnikam.
Sam film pa matyvach hetaha apaviadańnia Kinha atrymaŭ nazvu «Dotyk».
«Hulnara Ivanova była adnoj z tych, chto vyjhraŭ hety konkurs. Jana padpisała kantrakt ź piśmieńnikam i vykupiła pravy na ekranizacyju apaviadańnia «Čałaviek, jaki nie paciskaŭ ruk» usiaho za adzin dalar. Dziaŭčyna źniała pa matyvach apoviedu film «Dotyk». Jon atrymaŭsia ŭ žanry chorar i ŭžo staŭ pieramožcam na kinafiestyvali ŭ Małajzii Nitiin International Film Festival u katehoryi «Najlepšy tryler», a taksama byŭ adznačany dypłomam Student World Impact Film Festival», — raspaviadaje RTVI.
Novy film pakul što nielha pahladzieć u internecie, ale, pa słovach maładoj režysiorki, jana abaviazkova paviedamić u svaich sacsietkach, kali jaho možna budzie pahladzieć.
Apaviadańnie «Čałaviek, jaki nie paciskaŭ ruk» vyjšła ŭ 1985 hodzie ŭ zborniku Styviena Kinha «Kamanda škiletaŭ». U siužecie havorycca ab praklatym čałavieku, jaki adnym dotykam moža zabivać usio žyvoje.
Čytajcie taksama:
Kniha Jevy Viežnaviec «Pa što idzieš, voŭča?» trapiła ŭ šort-list mižnarodnaj premii
Niejrabijołahi adnavili pieśniu Pink Floyd pa zapisanych mazhavych chvalach słuchačoŭ
Śpiłbierh zdymie mini-sieryjał pra Napaleona pa scenaryi Stenli Kubryka
