Стывен Кінг прадаў правы на сваё апавяданне рэжысёрцы з Узбекістана за 1 даляр
Расказваем, што гэта за апавяданне і чаму так адбылося.
Студэнтка ташкенцкага філіяла маскоўскага ВГІКа (Дзяржаўны ўніверсітэт кінематаграфіі) Гульнара Іванова зняла фільм паводле апавядання Стывена Кінга «Чалавек, які не паціскаў рук», купіўшы аўтарскія правы ў самога Кінга ўсяго за адзін даляр.
Дзяўчына нядаўна распавяла каналу RTVI, што ўдзельнічала ў праграме Dollar Baby, у рамках якой Стывен Кінг дае магчымасць рэжысёрам-пачаткоўцам з усяго свету выкарыстоўваць яго творы. Схема ўдзелу вельмі простая: чалавек падае заяўку, дзе апісвае сваю ідэю і бачанне таго, якім павінен быць сцэнар для фільма, а потым, калі арганізатарам спадабаецца, яны звязваюцца з удзельнікам.
Сам фільм па матывах гэтага апавядання Кінга атрымаў назву «Дотык».
«Гульнара Іванова была адной з тых, хто выйграў гэты конкурс. Яна падпісала кантракт з пісьменнікам і выкупіла правы на экранізацыю апавядання «Чалавек, які не паціскаў рук» усяго за адзін даляр. Дзяўчына зняла па матывах аповеду фільм «Дотык». Ён атрымаўся ў жанры хорар і ўжо стаў пераможцам на кінафестывалі ў Малайзіі Nitiin International Film Festival у катэгорыі «Найлепшы трылер», а таксама быў адзначаны дыпломам Student World Impact Film Festival», — распавядае RTVI.
Новы фільм пакуль што нельга паглядзець у інтэрнэце, але, па словах маладой рэжысёркі, яна абавязкова паведаміць у сваіх сацсетках, калі яго можна будзе паглядзець.
Апавяданне «Чалавек, які не паціскаў рук» выйшла ў 1985 годзе ў зборніку Стывена Кінга «Каманда шкілетаў». У сюжэце гаворыцца аб праклятым чалавеку, які адным дотыкам можа забіваць усё жывое.
«Адмываў гаўно з унітазаў, мы там як самыя кончаныя». Блогер Вадзім Vadimati Ермашук — пра тое, як жыў у калоніі ў «нізкім статусе»1
Каментары