U škołach Minska adkryjuć ahrarnyja i čyhunačnyja kłasy, a kolkaść «vajskova-patryjatyčnych» pavialičyli ŭ piać razoŭ
Pieršaja namieśnica staršyni kamiteta adukacyi Minharvykankama Ludmiła Barysienka anansavała adkryćcio sioleta ŭ staličnych škołach ahrarnych, čyhunačnych i inžyniernych kłasaŭ, piša ahienctva «Minsk-Naviny».
«Z hetaha navučalnaha hoda my atrymali vialikija mahčymaści pašyreńnia sietki profilnaha navučańnia prafiesijnaj nakiravanaści ŭ starejšych kłasach. U nastupnym navučalnym hodzie ŭ 16 škołach buduć adkryty inžyniernyja kłasy, u adnoj — čyhunačnyja.
Taksama šyroka buduć pradstaŭlenyja na treciaj stupieni navučańnia kłasy vajskova-patryjatyčnaj nakiravanaści. Kolkaść apošnich u paraŭnańni ź minułym hodam pavialičyłasia praktyčna ŭ piać razoŭ», — zajaviła Barysienka.
Akramia taho, u dźviuch minskich škołach źjaviacca ahrarnyja kłasy, što, na dumku čynoŭnicy, «niemałavažna dla ekanomiki krainy».
«U takich kłasach dzieci na pavyšanym uzroŭni vyvučajuć fiziku, matematyku, chimiju, bijałohiju i hieahrafiju. U abaviazkovym paradku ŭ raskładzie i fakultatyŭ prafiesijnaj nakiravanaści.
U atestacie ŭ vypusknika budzie zapis ab tym, što jon asvoiŭ dadzieny kurs, što dla pracadaŭcy albo budučaha pastupleńnia ŭ VNU pa profili maje niemałavažnaje značeńnie», — adznačyła Barysienka.
Va ŭsie kłasy prafiesijnaj nakiravanaści jość adbor. Pa profilnych pradmietach u dzieviacikłaśnikaŭ nie pavinna być adznak nižejšych za 7 bałaŭ, a siaredni bał paśviedčańnia ab bazavaj adukacyi taksama musić być nie nižejšy za 7. Vyklučeńnie tolki dla ahrarnych kłasaŭ — tam dastatkova siaredniaha bału paśviedčańnia ab bazavaj adukacyi nie nižejšaha za 5, a adznaki pa profilnych pradmietach musiać być nie nižejšymi za 6.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ31
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary