Azaronak: Univiersitety — heta avanhard dziaržaŭnaj dumki. Dyk jakoha čorta nivodzin rektar nie pad sankcyjami?
Naviedvańnie Alaksandram Łukašenkam Biełaruskaha dziaržaŭnaha ŭniviersiteta natchniła Ryhora Azaronka na razvahi ab roli intelihiencyi. Azaronka pasłuchała «NV».
«Baćka vam i teatry, i kafiedry, i ŭniviersitety. Knižki chočacie — nacie. Pišycie, tvarycie. A nichto nie zadavaŭsia pytańniem, nibyta ž univiersitety — heta avanhard dziaržaŭnaj dumki. Dyk jakoha čorta nivodzin rektar nie pad sankcyjami?
A akramia niekalkich vyklučeńniaŭ, chto-niebudź z vas asudziŭ źniščeńnie carkvy va Ukrainie ci razhuł fašyzmu? A dzie pracy ab zhubnaści sučasnaha libieralizmu? A dzie sučasnyja pjesy i filmy pra suśvietny pierałom? Što? Nie cikava vam? Cikaviej biaskoncyja dysiertacyi druhoha sortu pisać pra hiendary? Žerci kroški z zachodniaha atrutnaha stała dy žadana maryć prakacicca na simpozium? Nožki pramačyć baiciesia? Dyk my vas zamočym!
Baćka dobry. Ale pytańni stajać. Z kim vy, majstry kultury? Jaho pierad vami łaskava staviać. Ale kali praciahnucca hetyja śvinskija pavodziny, to jaho pastaviać u styli Ždanava», — skazaŭ Ryhor Azaronak.
«Škada, nie było na vas Bieryi, Stalina i Ždanava. Kab stavić u stojła, kab spytać: pačym vy, majstry kultury?»
Sam Łukašenka ŭ BDU zapeŭnivaŭ, što nichto nikoha nie źbirajecca ščamić i cisnuć, i nie treba naskokvać adno na adnaho, što pavinny być roznyja mierkavańni, što nie treba «łamać adno adnamu rebry».
Što ž tyčycca sumna viadomaha savieckaha partyjnaha dziejača Andreja Ždanava, na dośvied jakoha spasyłajecca Azaronak, to heta jon u žniŭni 1946 hoda vystupiŭ z dakładam, u jakim asudžalisia vieršy Hanny Achmatavaj i satyryčnyja apaviadańni Michaiła Zoščanki. Zoščanka byŭ acharaktaryzavany jak «padonak litaratury», a paezija Achmatavaj była nazvanaja Ždanavym «całkam dalokaj ad naroda». Da pradstaŭnikoŭ «reakcyjnaha ciemrašalstva i reniehactva ŭ palitycy i mastactvie» byli adniesieny Dźmitryj Mieražkoŭski, Viačasłaŭ Ivanoŭ, Michaił Kuźmin, Andrej Bieły, Zinaida Hipius, Fiodar Sałahub.
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi
Kamientary
Jeśli, vas, oboich, rassmatrivať kak časti mafioznoj, priestupnoj hruppirovki, kotoraja niezakonno i siłoj zachvatiła vłasť v Biełarusi i siłoj jejo udierživajet, siłoj podčiniajet mafii univiersitiety, priedprijatija, hosudarstviennyje orhany i hosučrieždienija, tohda da, kak priestupnaja mafija, ty i tvoj baťka-jabaťka imiejetie otnošienija ko vsiem priestuplenijam po razrušieniju hosudarstva biełarusov.