Ab prablemach, źviazanych z šalonym rostam dypfejkavaj parnahrafii ŭ intenecie, raskazvaje ŭ svaim materyjale ahienctva Bloomberg.
Vydańnie spasyłajecca na danyja daśledavańnia, jakija śviedčać ab tym, što bum štučnaha intelektu pryvioŭ da rezkaha rostu kolkaści parnahrafičnych dypfejkaŭ. Tak, z 2019 hoda hety pakazčyk vyras u dzieviać razoŭ.
Tolki ŭ mai 2023 hoda na 30 sajtach źjaviłasia kala 150 tysiač videarolikaŭ, jakija razam atrymali 3,8 miljarda prahladaŭ. Niekatoryja sajty prapanujuć biblijateki dypfejkavych prahram, u jakich tvar znakamitaściaŭ źmiaščajecca na cieły pornaakcioraŭ. Inšyja prapanujuć klijentam za płatu mahčymaść «ahalić» znajomych im žančyn, naprykład, kaleh.
Niekatoryja z najbujniejšych kampanij u halinie technałohij, u tym liku Google, Amazon, X i Microsoft Corp., jakoj naležyć Alphabet Inc., vałodajuć instrumientami i płatformami, jakija spryjali niadaŭniamu ŭsplosku dypfejkavaha porna. Google, naprykład, źjaŭlajecca asnoŭnym drajvieram trafiku na dypfejkavyja sajty, u toj čas jak karystalniki X, raniej viadomaha jak Twitter, rehularna raspaŭsiudžvajuć dypfejkavy kantent.
Amazon, Cloudflare i GitHub ad Microsoft u svaju čarhu akazvajuć najvažniejšyja pasłuhi chostynhu dla hetych sajtaŭ.
Jak zmahacca z pornafejkami
Vydańnie adznačaje, što dla achviar pornafejkaŭ, jakija chacieli b pryciahnuć da adkaznaści tych, chto pryčyniŭ im ekanamičnyja ci emacyjnyja straty, niama prostych rašeńniaŭ. Na siońnia, naprykład, u ZŠA pakul nichto nie byŭ asudžany za stvareńnie štučna zhienieravanaha kantentu ź nieprystojnym źmiestam biez zhody ŭdzielnika.
U takoj situacyi jurysty, navukoŭcy i achviary šukajuć novyja sposaby vyrašeńnia prablemy. Zychodziačy z taho fakta, što sajty z pornafejkami vykarystoŭvajuć šyrokuju sietku technałahičnych praduktaŭ i pasłuh, mnohija ź jakich prapanoŭvajucca bujnymi publičnymi kampanijami, jany prosiać i cisnuć na hetyja kampanii, kab tyja vydalali i błakavali škodny kantent, zhienieravany štučnym intelektam.
Hučać vykazvańni ab tym, što kampanijami-raspracoŭščykami pavinna być zabiaśpiečana pravierka taho, ci ŭchvaliŭ čałaviek vykarystańnie svajoj asoby i ci daŭ jon prava na svaje imia i vyjavu.
Aktyvisty ŭ tym liku chočuć, kab pošukavyja sistemy i sacyjalnyja sietki rabili bolš dla abmiežavańnia raspaŭsiudžvańnia dypfejkaŭ.
Na zapyt žurnalistaŭ Google zajaviŭ, što, jak i lubaja pošukavaja sistema, jon indeksuje kantent, jaki isnuje ŭ sietcy, kab nie ahałomšyć ludziej niečakanym škodnym abo adkrytym kantentam, jakoha jany nie žadajuć bačyć.
Pa słovach pradstaŭnika kampanii, Google raspracavaŭ srodki abarony, kab dapamahčy ludziam, jakija paciarpieli ad dypfejk-parnahrafii, u tym liku daŭšy im mahčymaść patrabavać vydaleńnia staronak, jakija źmiaščajuć taki kantent ź imi.
Aktyvisty taksama spadziajucca, što ŭzmacnieńnie cisku na kampanii, jakija zabiaśpiečvajuć chostynh sajtaŭ i instrumientaŭ dla dypfejk-porna, moža pryvieści da błakavańnia ź ich boku takich płatformaŭ, jak heta zdaryłasia ŭ svoj čas z 8Chan (płatforma, karystalniki jakoj svabodna vykazvali svaje ekstremisckija, rasisckija pohlady abo pohlady, źviazanyja z hvałtam) i Kiwi Farm (płatforma, praź jakuju rabiłasia anłajn-ckavańnie i raskryvałasia asabistaja infarmacyja pra ludziej).
Jašče adnym mahčymym sposabam cisku ŭ baraćbie z dypfejkami mohuć stać kampanii, jakija akazvajuć pasłuhi anłajn-płaciažoŭ. Bloomberg vyśvietliŭ, što niekatoryja z servisaŭ, što raspaŭsiudžvajuć dypfejk-porna, prymajuć płaciažy praz zvyčajnyja płaciežnyja sistemy, jak PayPal, Mastercard i Visa. Kampanii-ŭładalniki hetych sistem mohuć błakavać ci adsočvać takija tranzakcyi na patrabavańni pravaachoŭnych orhanaŭ ci aktyvistaŭ.
Adnak na siońnia pakul što prostych rašeńniaŭ niama. Prablema stvareńnia i raspaŭsiudžvańnia dypfejkaŭ patrabuje rehulavańnia i kantrolu z boku tych kampanij, jakija akazvajuć pasłuhi i dajuć instrumienty dla hetaha.
Jak adznačajuć ekśpierty, kampanii pavinny zrazumieć, što jany niasuć adkaznaść za raspracavanyja imi technałahičnyja płatformy, jakija dazvalajuć stvarać i raspaŭsiudžvać dypfejki, što mohuć nanosić škodu reputacyi, psichičnamu zdaroŭju i asabistamu žyćciu ludziej.
Čytajcie jašče:
U tvitary zavirusiłasia videa elektronnaha branzaleta dla dziaciej. Ale heta fejk
Iłan Mask zaklikaje spynić raźvićcio niejrasietak z-za pahrozy čałaviectvu
