U Armienii zatrymali prarasijskaha błohiera i žurnalista «Sputnika»
Ich padazrajuć u niezakonnym abarocie zbroi.
U Armienii zatrymanyja prarasijski błohier Mika Badalan i žurnalist «Sputnik Armienija» Ašot Hievarkian. Ich padazrajuć u niezakonnym abarocie zbroi. Pra heta paviedamiŭ pres-sakratar Śledčaha kamiteta krainy Hor Abraamian, piša «Radyjo Svaboda».
Pradstaŭnik viedamstva ŭdakładniŭ, što Badalan i Hievarkian byli zatrymanyja ŭ Siunikskaj vobłaści 6 i 7 vieraśnia. Usiaho pa spravie ab niezakonnym abarocie zbroi zatrymanyja siem čałaviek.
Pasolstva Rasii ŭ Armienii zajaviła, što raspačnie kroki dla vyśviatleńnia abstavinaŭ taho, što zdaryłasia, i sočyć za raźvićciom situacyi.
Miedyjahrupa «Rasija siońnia», da jakoj adnosicca «Sputnik Armienija», taksama paviedamiła ab tym, što sočyć za zatrymańniem Hievarkiana i «raźličvaje na zachavańnie ŭsich pracesualnych normaŭ».
«Mahčymyja pravakacyi, nakiravanyja na padryŭ družby pamiž brackimi narodami Rasii i Armienii, pavinny być nieadkładna spynienyja», — havorycca ŭ zajavie chołdynha.
Raniej premjer-ministr Armienii Nikoł Pašynian raskrytykavaŭ rasijski miratvorčy kantynhient u Nahornym Karabachu, zajaviŭšy, što toj nie vykonvaje svajoj zadačy, a taksama zajaviŭ, što zaležnaść Armienii ŭ śfiery biaśpieki tolki ad adnoj krainy, a mienavita Rasii, była «stratehičnaj pamyłkaj». Sa słoŭ palityka, Rasija sama pakidaje Paŭdniovy Kaŭkaz. Jon padkreśliŭ, što nijakija zachodnija siły, pra jakija havorać u Rasii, nie padšturchoŭvajuć Jerevan da razryvu z Maskvoj.
Paźniej stała viadoma, što ŭ Armienii z 11 da 20 vieraśnia projduć supolnyja armiana-amierykanskija vučeńni Eagle partner — 2023. Minabarony krainy ŭdakładniła, što vučeńni projduć u ramkach padrychtoŭki da ŭdziełu ŭ mižnarodnych miratvorčych misijach.
Armienija ŭvachodzić u vajskovy błok ADKB naroŭni z Rasijaj i jašče niekalkimi krainami, jakija raniej byli ŭ SSSR. Pry hetym jana padtrymlivaje partniorskija adnosiny z NATA. Pieršyja sumiesnyja vučeńni vajskoŭcaŭ ZŠA i Armienii prajšli jašče ŭ 2013 hodzie.
Siłaviki razhramili M1 — samaje papularnaje ŭ rasijan biełaruskaje kazino7
Siłaviki razhramili M1 — samaje papularnaje ŭ rasijan biełaruskaje kazino
«Heta pytańnie času, ale treba saśpieć». Pucin znoŭ zahavaryŭ pra adziny parłamient i valutu Biełarusi i Rasii6
Žurnalistka BT aburyłasia navinoj pra siabie: Heta była maja pieršaja samastojnaja pajezdka ŭ Jeŭropu16
Ci možna sarvać jabłyki z susiedskaha dreva, kali halina źvisaje nad vašym učastkam? Adkaz vas ździvić5
Kamientary