Łukašenka nacyjanalizavaŭ «Amkador». Šakucin staŭ prostym biełaruskim piensijanieram
Jak stała viadoma «Našaj Nivie», Alaksandr Šakucin bolš nie ŭłaśnik svajho mašynabudaŭničaha chołdynhu «Amkador». Dziaržava adabrała ŭ kamiersanta kampaniju, addaŭšy jaje pad kantrol BiełAZa. Sam Šakucin z pačatku hoda nie fihuruje na pratakolnych fota z «Amkadora» i, mahčyma, čakaje, pakul skončycca bura ŭ Rasii.
«Amkador» — pradpryjemstva z amal stohadovaj historyjaj. Pieršy zavod siońniašniaha chołdynha byŭ zasnavany ŭ 1927 hodzie i vypuskaŭ cacki.
U nastupnym profil vytvorčaści niekalki razoŭ mianiaŭsia, pakul nie vyrašana było spynicca na stvareńni kamunalnaj, darožna-budaŭničaj, lesanarychtoŭčaj i sielskahaspadarčaj techniki.
Napačatku 2000-ch «Amkador» pierajšoŭ pad kantrol siabra Łukašenki Alaksandra Šakucina i jahonych niepalskich biznes-partnioraŭ.
Niejki čas u akcyjanierach byŭ navapołacki biznesmien Mikałaj Varabiej, ale ź im Šakucin razyšoŭsia i z časam staŭ upeŭnienym mažarytaryjem.
Pa danych «Biełpoła», stanam na 2020 hod Šakucin kantralavaŭ 76% akcyj «Amkadora» — jak fizičnaja asoba i jak saŭdalnik kampanij «Navaniep» i «Spamaš».
Kala 11% akcyj «Amkadora» naležała kampanii «Sintez-Inviest Hrupp», jakaja na 80% naležyć Anicie Emiet — dačce niepalca Niradža Havindy Šrestcha.
U dziaržavy na «Amkadory» zaŭsiody zastavałasia nievialikaja — 7% — minarytarnaja dola.
Taki niuans u struktury ŭłasnaści, z ulikam asabistych adnosin Alaksandra Šakucina z Alaksandram Łukašenkam, byŭ jaŭnym plusam — «Amkador» moh karystacca tannymi hrašyma, atrymlivajučy kredyty pa lhotnych staŭkach jak dla dziaržaŭnych pradpryjemstvaŭ.
Skupka blizkaprofilnych stratnych dziaržaŭnych pradpryjemstvaŭ u vyniku dazvoliła «Amkadoru» vyraści ŭ chołdynh. Pavodle infarmacyi na sajcie pradpryjemstva, na ciapierašni momant «Amkador» abjadnoŭvaje 27 pradpryjemstvaŭ, u tym liku 19 zavodaŭ. Dakładnaja ciapierašniaja kolkaść supracoŭnikaŭ nieviadomaja, hučali acenačnyja ličby ŭ 7000 čałaviek.
Kamiercyjnyja spravy ŭ «Amkadora» mahli b iści narmalna, ale jahony ŭłaśnik dapuściŭ šerah fatalnych pralikaŭ, zaniaŭšysia niaprofilnym biznesam na zajomnyja srodki.
«Naša Niva» apisvała padrabiaznaści taho, jak Šakucin staŭ zakładnikam niaŭdałaha prajekta pa budaŭnictvie hihanckaha biznes-centra «Šanter Chił» kala Drazdoŭ, jaki ŭžo dziesiacihodździe nie moža być skončany i źniakroŭlivaje abarotnyja srodki asnoŭnych mašynabudaŭničych pradpryjemstvaŭ.
Čytajcie dla razumieńnia kantekstu: Šakucin zalacieŭ minimum na $40 miljonaŭ
Trapiŭšy ŭ kredytnuju pastku, Šakucin biaskonca pierakredytoŭvaŭsia ŭ biełaruskaj dziaržavy. Padrabiaznaści hetych kredytnych karusielaŭ davaŭ «Biełpoł» u svaim materyjale pra daŭhi «Amkadora» za 2024 hod.
«Biełpoł», aproč inšaha, cytavaŭ taksama list dyrektarskaj rady «Amkadora» da vice-premjera Piatra Parchomčyka ad 1 vieraśnia 2022 hoda. U im śćviardžałasia, što kredytnaja nahruzka kirujučaj kampanii chołdynha składała amal 509 miljonaŭ biełaruskich rubloŭ — kala 188 miljonaŭ dalaraŭ na toj čas.
Bolšaja častka doŭhu, jak možna padličyć, heta kitajskija 120 miljonaŭ dalaraŭ na budaŭnictva Šanter Chiła. Astatni doŭh, pa łohicy, heta doŭh pierad biełaruskimi dziaržaŭnymi bankami.
U struktury daŭhoŭ «Amkadora» nasamreč składana razabracca, tamu što i kirujučaja kampanija chołdynha, i asobnyja zavody kredytavalisia i paasobku, i časta z roznych krynic.
U 2022 hodzie «Amkador» atrymaŭ finansavańnie navat ad Rasii, trapiŭšy pad prahramu impartazamiaščeńnia. Na hetyja hrošy stali budavacca zboračnyja zavody ŭ Rasii.
Ale dla biełaruskaj dziaržavy «Amkador», niahledziačy na adnosnyja pośpiechi na rasijskim rynku, apošnija hody źjaŭlaŭsia bałastam. «Amkador» nie moh raźličvacca ni pa lhotnych kredytach u biełaruskich bankach, ni navat pačać vypłačvać cieła doŭhu pa vialikim kitajskim kredycie, jaki taksama pa sutnaści źjaŭlajecca prablemaj Ministerstva finansaŭ, tamu što ŭziaty pad harantyi ŭrada.
Pra inšyja, nie finansavyja, pryčyny taho, što adbyłosia ŭ pačatku 2025 hoda my možam tolki śpiekulavać, ale na siońnia ŭžo fakt — na fonie nievyrašalnych finansavych prablem chołdynh «Amkador» byŭ faktyčna nacyjanalizavany biełaruskaj dziaržavaj.
Heta adbyłosia ŭ pieršyja dni 2025 hoda.
Jak vynikaje z vypiski dziaržaŭnaha rejestra, u hałaŭnuju kampaniju chołdynha AAT «Amkador» pryznačany časovy źniešni ŭpraŭlajučy. Pry hetym kampanija nie znachodzicca ŭ stadyi bankructva abo likvidacyi.
Imia fizičnaj asoby — kiraŭnika — nie ŭkazana. Heta značyć, što farmalny novy dyrektar jašče nie pryznačany, a rolu kiraŭnika vykonvaje jurydyčnaja asoba «Biełaruskaha aŭtamabilnaha zavoda». Heta žodzinski BiełAZ, da struktury jakoha, jak vynikaje, dałučyli chołdynh «Amkador».
Usia inšaja infarmacyja ab akcyjanierach-jurasobach z aficyjnaha rejestra źnikła, proźvišča Alaksandra Šakucina ŭ akcyjanierach-fizasobach — taksama niama.
Što ž stała z samim biznesmienam? Alaksandr Šakucin ad pačatku 2025 hoda bolš nie fihuruje na pratakolnych fotazdymkach, jakija publikuje na svaim sajcie «Amkador», chacia raniej były haspadar asabista sustrakaŭ delehacyi patencyjnych klijentaŭ.
Pry hetym Alaksandr Šakucin rehularna zachodzić u miesiendžary, što chutčej za ŭsio vyklučaje jahonaje zatrymańnie.
Razam z hetym, možna vykazać zdahadku, što centr žyćciovych intaresaŭ ciapier užo adnosna prostaha biełaruskaha piensijaniera Alaksandra Šakucina pieramieścicca ŭ Rasiju, dzie dziejničajuć niekalki zavodaŭ «Amkadora»: «Amkador-Bransk», «Amkador-Anieha», «Amkador-Ahidel», «Eksam» i «Amkador-ŁTZ», a taksama dylerskaja sietka «Amkadora».
Struktura ŭłasnaści hetych kampanij pakazvaje, što biełaruskaja dziaržava nie zmoža aŭtamatyčna atrymać kantrol nad usimi imi paśla taho, jak stała ŭłaśnikam hałaŭnoj kampanii chołdynhu ŭ Biełarusi.
Adpaviedna, kali biznesmien jurydyčna padrychtavaŭsia da takoha pavarotu svajho losu, to jon u jakaści ścipłaha minarytaryja zmoža praciahvać kamiercyjnuju dziejnaść na askiepkach svajoj byłoj impieryi. U toj čas jak dziaržava čarhovy raz budzie ratavać chołdynh «Amkador», ale ŭžo jak całkam svaju ŭłasnaść.
Los harotnaha daŭhabudu «Šanter Chił» pakul nieviadomy.
Šakucin prasiŭ ES źniać ź jaho sankcyi. Nie pašancavała
«Ja prezidenta čatyry hady nie bačyŭ!» Vialikaje intervju z Šakucinym — pra jaŭrejaŭ, varvarskuju palityku i vinavatych u razvale pramysłovaści
Šakucin: U mianie zabrali pravy, aryštavanaja majomaść, ja nie mahu vyjechać za miažu
Sud abviaściŭ prysud pa masavaj «spravie miedykaŭ». Brata Šakucina prysudzili da 1,5 hoda i vyzvalili ŭ zale suda
Kamientary
Naprimier, usłovno vziali, vypustili oblihacii na 50 let na 1 młn jedinic pod 2%. Vypłaty po procientam sostaviat v hod 20 000 jedinic, vypłaty po osnovnomu dołhu sostavlať 20 000 jedinic, a kapitalizacija sriedstv ot inviestirovanija v fondovyje rynki raźvitych stran sostaviat około 80 000 jedinic(pod 8%). Niefť i haz pokupať rieviersom iz ES. Vviesti subsidii na kommunalnyje usłuhi dla vsiech hraždan v zavisimosti ot dochodov domochoziajstv. Sdiełať dopłatu piensionieram do urovnia miediannoj zarpłaty. Ostalnyje sriedstva inviestirovať v armiju, infrastrukturu, miedicinu, nauku, obrazovanije. Vviesti nakopitielnyje posobija po biezraboticie. Kohda časť zarpłaty budut otčiślaťsia nasčiet rabočieho, nakaplivaťsia na sčietu i v słučaje utraty raboty naprimier v słučaje sokraŝienije rabočiej połučał by dostup k etomu sčietu i žił na eti sriedstva poka v poiskie druhoj raboty. Rieformirovať armiju po primieru Izraila, prizyvať i žienŝin i mužčin, a tak žie pierievooružiť zapadnym vooružienijem. Tak žie ja by sochranił dvujazyčije, no orhanizovał by kursy biełorusskoho jazyka vychodnoho dnia pri sriednich škołach. I płatił by stipiendiju učaŝimsia. Naprimier, dvojnuju zarabotnuju płatu. A tak žie dvojnuju zarpłatu priepodavatielam biełorusskoho. Rieformirovał by biełorusskij jazyk, uprostił by praviła biełorusskoho, skažiem kak v jazykie Eśpieranto. Čto by jeho moh lehko osvoiť luboj rabotiaha.
Stimulirovał sozdanije kontienta na biełorusskom jazykie, tv, haziety intierniet ŚMI, razvlekatielnyj kontient.
Tak žie ja by vybrał puť vojennoho niejtralitieta za kotoryj vystupajut 55% hraždan, a tak žie lišajet rośsiju, formalnoho povoda dla načała vojny i libo ekonomičieskij niejtralitiet, libo intiehraciju ES. Naprimier, format Finlandii pośle sovietsko-finskoj vojny ili Šviejcarii.