U adnoj z aptek sietki «Biełfarmacyja» ŭ Minsku źjaviŭsia aptečny robat, paviedamili na pradpryjemstvie.
«Aptečny robat ujaŭlaje saboj aŭtamatyčny stełaž, jaki źmiaščaje ŭ sabie da 10 tysiač upakovak ź lekavymi preparatami i jaki abstalavany elektramiechaničnym manipulataram, jaki pieramiaščajecca. Jon na zapyt receptara źbiraje i pryvozić preparaty prosta da kasavaj zony», — raskazali ŭ «Biełfarmacyi».
Ukaranieńnie ŭ praktyku pracy hetaha robata dazvoliła, jak śćviardžajecca, skaracić čas na pošuk patrebnaha preparatu, paskoryć čas absłuhoŭvańnia kupcoŭ, a taksama aščadzić 30% płoščy apteki.
U «Biełfarmacyi» adznačajuć, što hety aptečny robat — adziny ŭ Biełarusi.
Raniej staršynia Homielskaha harvykankama Uładzimir Pryvałaŭ raskazaŭ, što adzin z rezidentaŭ homielskaha technaparka «Karał» raspracavaŭ pieršuju ŭ Biełarusi apteku z robatam-farmaceŭtam. Hetaja raspracoŭka ŭjaŭlaje saboj zakryty kub, usiaredzinie jakoha raźmieščany stełažy ź lekavymi srodkami. Siarod ich pierasoŭvajecca robat, jaki dastaje patrebny preparat i pieradaje ŭ akienca pakupniku.
Ciapier čytajuć
20-hadovaja dziaŭčyna z Bresta zapisała žartaŭlivy tyktok pra śmierć u DTZ — i ŭ toj ža viečar raźbiłasia9
Kamientary
Tady Azaronak nie spatrebicca