Kanał siłavikoŭ apublikavaŭ videa z hałoŭnaj buchhałtarkaj adnaho z pradpryjemstvaŭ Dziaržynska. Siłaviki śćviardžajuć, što žančynaj zacikavilisia paśla danosu ŭ ich čat-bot.
Zatrymanaja žančyna, kali vieryć sacsietkam — Viktoryja Stajanovič. U jaje dvoje dziaciej.
Na videa Viktoryja «pryznajecca» ŭ repoście z «ekstremisckaha» telehram-kanała, a taksama va ŭdziele ŭ pikietach Cichanoŭskaj padčas vybarčaj kampanii 2020 hoda.
Hubazikaŭcy pišuć, što źviestki pra žančynu pryjšli da ich u čat-bot. Jany publikujuć tekst hetaha danosu. Jon — u źnievažalnym tonie, prynižaje čałaviečuju hodnaść: «Padčas bčb-šabašu była kurataram u h. Dziaržynsku», «pryčym chadziła z małaletniaj dačkoj, vielmi pradumanaja», «u domie bardak, brud, jak va ŭsich zmaharoŭ» i h.d. Varta adznačyć, što takija śćviardžeńni pry praviercy časta akazvajucca paklopam.
«Bčb-šabašam» łukašysty nazyvajuć pratesty z patrabavańniem sumlennaha padliku hałasoŭ i suprać masavych parušeńniaŭ zakonnaści ŭ krainie ŭ 2020 hodzie.
Nieviadoma, ci nasamreč byŭ napisany hety danos, ale vidavočna, što siłaviki ŭsialak sprabujuć stymulavać praces danasicielstva.
«Vykazvajem padziaku našym aktyŭnym padpisčykam i vałancioram. Natknulisia na ekstremiscki kantent i piersanažaŭ? Dasyłajcie nam u bot, i karma ich dahonić z usioj niaŭchilnaściu», — davodziać jany.
Ciapier čytajuć
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi3
Kamientary