Na miažy zatrymali byłoha palitviaźnia i žurnalista z Drahičyna Siarhieja Hardzijeviča
Zatrymańnie adbyłosia 14 vieraśnia ŭ punkcie propusku «Brest», kali Siarhiej Hardzijevič viartaŭsia z Polščy ŭ Biełaruś, piša BAŽ.
Pavodle papiarednich źviestak, u byłoha žurnalista sajta «Pieršy rehijon» na miažy pravieryli mabilny telefon, a paśla jon byŭ zatrymany i źmieščany ŭ izalatar časovaha ŭtrymańnia ŭ Breście.
Mahčyma, Siarhieja Hardzijeviča buduć vinavacić pavodle artykuła 19.11 KaAP — «za raspaŭsiud, vyrab, zachoŭvańnie, pieravozku infarmacyjnaj pradukcyi, jakaja źmiaščaje zakliki da ekstremisckaj dziejnaści abo jakaja prapahanduje takuju dziejnaść». Inšych akaličnaściaŭ zatrymańnia pakul niama.
Siarhiej Hardzijevič raniej supracoŭničaŭ ź niezaležnym internet-partałam «Pieršy rehijon» i byŭ karespandentam hetaha sajta ŭ Drahičynie.
2 žniŭnia 2021 hoda sud Ivanaŭskaha rajona pryznaŭ Siarhieja Hardzijeviča vinavatym pavodle troch kryminalnych artykułaŭ: u abrazie pradstaŭnikoŭ ułady ŭ suviazi z vykanańniem imi słužbovych abaviazkaŭ (art. 369 KK), u raspaŭsiudzie zahadzia iłžyvych i źnievažalnych inšych asob źviestak (paklop), jakija źmiaščajuć abvinačvańnie ŭ ździajśnieńni ciažkaha złačynstva (art. 188 KK) i publičnaj abrazie «prezidenta Respubliki Biełaruś» (č. 1 art. 368 KK).
Žurnalist u sudzie svaju vinu nie pryznaŭ, ale byŭ pakarany da pazbaŭleńnia voli terminam na 1 hod 6 miesiacaŭ u kałonii ahulnaha režymu. Jaho pryznali palitviaźniem. Bolšuju častku pakarańnia žurnalist adbyvaŭ u papraŭčaj kałonii №17 u Škłovie i vyjšaŭ na volu naprykancy kastryčnika 2022 hoda.
Ciapier čytajuć
Paśla źniknieńnia śpikierki Mielnikavaj niama dostupu da rachunkaŭ Kaardynacyjnaj rady30
Kamientary
Imienno tak vyhladit ravnodušije i rabskosť s prispos_hoblen_čiestvom 😎 moskali tut dieło vtoroje