Biełaruskaja mova źjaviłasia na ŭpakoŭcy jašče adnaho vytvorcy dziciačaha charčavańnia
Pra toje, što kampanija «ŁVŁ Evalušn» (brend «Łožka v ładoškie») narešcie dadała biełaruskuju movu na ŭpakoŭku svajoj pradukcyi, paviedamiŭ u sacsietkach Ihar Słučak.
Pavodle Słučaka, u minułym hodzie «ŁVŁ Evalušn» paviedamlała, što biełaruskaja mova na ich tavarach źjavicca.
Ciapier ža jon atrymaŭ ad ich nastupnaje paviedamleńnie:
«Dadzienyja nami raniej zapeŭnieńni ab pašyreńni vykarystańnia biełaruskaj movy vykanany. Naša kampanija zaraz ažyćciaŭlaje pracu pa rebrendynhu pradukcyi pad našaj ułasnaj handlovaj markaj «Łožka v ładoškie». U ramkach rebrendynhu na ŭsiu našu pradukcyju, jakaja vyrablajecca pad TM «Łyžka ŭ dałońcy» va ŭpakoŭcy typu «paŭč» i Tetra Pak (heta prykładna 70% ad ahulnaha abjomu) naniesiena infarmacyja ab pradukcie na biełaruskaj movie».
I heta sapraŭdy tak — na fota vidać, što biełaruskaja mova na ŭpakoŭcy hetaha brendu ciapier jość.
Heta ŭžo druhi vytvorca dziciačaha charčavańnia, što pačaŭ vykarystoŭvać biełaruskuju movu — raniej paviedamlałasia pra prahres u hetaj spravie z vytvorcam brendu Bambolina. Da 2023 hoda takich nie było ŭvohule, padkreślivaje Ihar Słučak. Usiaho ž takich bujnych vytvorcaŭ u Biełarusi 5, i z astatnimi tryma viadziecca adpaviednaja praca.
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?25
Kamientary