Беларуская мова з'явілася на ўпакоўцы яшчэ аднаго вытворцы дзіцячага харчавання
Пра тое, што кампанія «ЛВЛ Эвалюшн» (брэнд «Ложка в ладошке») нарэшце дадала беларускую мову на ўпакоўку сваёй прадукцыі, паведаміў у сацсетках Ігар Случак.
Паводле Случака, у мінулым годзе «ЛВЛ Эвалюшн» паведамляла, што беларуская мова на іх таварах з'явіцца.
Цяпер жа ён атрымаў ад іх наступнае паведамленне:
«Дадзеныя намі раней запэўненні аб пашырэнні выкарыстання беларускай мовы выкананы. Наша кампанія зараз ажыццяўляе працу па рэбрэндынгу прадукцыі пад нашай уласнай гандлёвай маркай «Ложка в ладошке». У рамках рэбрэндынгу на ўсю нашу прадукцыю, якая вырабляецца пад ТМ «Лыжка ў далоньцы» ва ўпакоўцы тыпу «паўч» і Tetra Pak (гэта прыкладна 70% ад агульнага аб'ёму) нанесена інфармацыя аб прадукце на беларускай мове».
І гэта сапраўды так — на фота відаць, што беларуская мова на ўпакоўцы гэтага брэнду цяпер ёсць.
Гэта ўжо другі вытворца дзіцячага харчавання, што пачаў выкарыстоўваць беларускую мову — раней паведамлялася пра прагрэс у гэтай справе з вытворцам брэнду Bambolina. Да 2023 года такіх не было ўвогуле, падкрэслівае Ігар Случак. Усяго ж такіх буйных вытворцаў у Беларусі 5, і з астатнімі трыма вядзецца адпаведная праца.
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай75
Каментары