Rasija sprabuje viarnucca ŭ Radu AAN pa pravach čałavieka — Bi-bi-si
Rasija choča viarnuć pasadu ŭ RPČ AAN i niepublična prosić inšych čalcoŭ arhanizacyi ab padtrymcy. Pra heta paviedamlaje Bi-bi-si, jakoje atrymała kopiju adnaho z takich aficyjnych listoŭ ad Maskvy.
Rasija była vyklučanaja z Rady AAN pa pravach čałavieka ŭ krasaviku minułaha hoda paśla pačatku vajny va Ukrainie. Adnak ciapier rasijskija dypłamaty namahajucca viarnuć svajo miesca ŭ arhanizacyi na novy trochhadovy termin. Da hałasavańnia zastałosia vielmi mała času, tamu ciapier Rasija dasyłaje listy čalcam AAN z prośbaj ab padtrymcy. Kopiju takoha lista atrymała i ahienctva Bi-bi-si.
«U atrymanych dakumientach havorycca, što Rasija abiacaje znajści «adekvatnyja rašeńni prablem, źviazanych z pravami čałavieka», a taksama «nie dapuścić pieratvareńnie RPČ AAN u instrumient, jaki słužyć palityčnaj voli peŭnaj hrupy krain». Rasijskija dypłamaty zajaŭlajuć, što spadziajucca adnavić mižnarodny aŭtarytet krainy paśla šmatlikich abvinavačvańniaŭ u parušeńni pravoŭ čałavieka», — piša Bi-bi-si sa spasyłkaj na kopiju aficyjnaha lista z Maskvy.
Ahienctva nahadvaje, što Rasiju abvinavačvajuć u złačynstvach jak va Ukrainie, tak i ŭ miežach ułasnaj terytoryi. Apošnija dokazy złoŭžyvańniaŭ byli pradstaŭlenyja RPČ u paniadziełak u dakładzie Kamisii pa rasśledavańni situacyi va Ukrainie.
Jość vialikaja kolkaść paviedamleńniaŭ pra vajennyja złačynstvy, siarod jakich katavańni, zhvałtavańni i napady na mirnych žycharoŭ va Ukrainie. Taksama adznačajecca značna horšaja ŭnutranaja situacyja, pry jakoj lubaja krytyka vajny ŭ Rasii viadzie da aryštu, katavańniaŭ i žorstkamu abychodžańniu, dadaje Bi-bi-si.
Ale ŭsio heta moža akazacca niedastatkovym u arhumientach suprać Maskvy
«Rada AAN pa pravach čałavieka składajecca z 47 čalcoŭ, kožny ź jakich abirajecca raz u try hady. Hałasujuć na vybarach usie 193 členy Hienieralnaj Asamblei AAN u Ńju-Jorku.
U hetym hodzie Rasija źjaŭlajecca kankurentkaj Ałbanii i Bałharyi, jakija taksama pretendujuć na 2 miescy, pryznačanyja na krainy Centralnaj i Uschodniaj Jeŭropy. Dypłamaty roznych krain zajaŭlajuć, što Rasija pravodzić ahresiŭnuju vybarčuju kampaniju i prapanuje nievialikim krainam zbožža, zbroju i abaronu ad napadkaŭ Zachadu na mižnarodnaj arenie pry abrańni Rasii ŭ RPČ. Takim čynam, nielha vyklučać taho, što kraina moža viarnucca ŭ arhanizacyju», — adznačaje Bi-bi-si
U svaich listach da čalcoŭ AAN Rasija taksama sprabuje apraŭdacca za svajo letašnieje adchileńnie z RPČ (tady 93 siabry Hienieralnaj Asamblei AAN prahałasavali «za» adchileńnie, 24 byli suprać i 58 ustrymalisia). Rasijskija dypłamaty vinavaciać u hetym «ZŠA i ich sajuźnikaŭ».
Šerah pravaabarončych arhanizacyj užo apublikavali zajavu ab tym, što Rasija nie padychodzić dla siabroŭstva ŭ RPČ. Jany śćviardžajuć, što heta było b kontrpraduktyŭnym i pakazała b, što AAN nie stavicca surjozna da pryciahnieńnia Rasii da adkaznaści za vajennyja złačynstvy va Ukrainie. Rašuča suprać takoha vystupaje i Vialikabrytanija.
«Ideja ab tym, što Rasija moža viarnucca ŭ Radu pravoŭ čałavieka, źjaŭlajecca abrazaj samoj kancepcyi pravoŭ čałavieka i niebiaśpiečnym krokam nazad, jaki padarvie davier da jaje», — kaža Devid Łemi, cieniavy ministr zamiežnych spraŭ Vialikabrytanii.
Čytajcie taksama:
Pasoł u Rasii apraŭdvaŭsia za vyviezienych u Biełaruś ukrainskich dziaciej
Za kulisami Hienasamblei AAN: voś jak Łukašenka prajhraŭ Słavienii 38:153
Kamientary