AAN prypyniła členstva Rasii ŭ Radzie pa pravach čałavieka z-za źvierstvaŭ va Ukrainie
Hienieralnaja Asambleja AAN prypyniła členstva Rasii ŭ Radzie pa pravach čałavieka. Hałasavańnie adbyłosia 7 krasavika. Rašeńnie pryniata na fonie publikacyi dokazaŭ źvierstvaŭ, jakija rasijskija vajskoŭcy robiać va Ukrainie.
Dla pryniaćcia rašeńnia była nieabchodnaja padtrymka jak minimum dźviuch tracin z tych krain Hienieralnaj Asamblei AAN, jakija pryniali ŭdzieł u hałasavańni. Krainy, jakija ŭstrymalisia, nie ŭličvajucca.
Svaje hałasy «za» addali 93 krainy, «suprać» prahałasavali 24, ustrymalisia 58.
U prajekcie rezalucyi, za jaki hałasavali, vykazvałasia «surjoznaja zaniepakojenaść z-za praciahłaha kryzisu pravoŭ čałavieka i humanitarnaha kryzisu va Ukrainie» z-za dziejańniaŭ Rasii. Rasija raniej pryhraziła, što hałasavańnie «za» ci ŭstrymańnie budzie razhladacca jak «niesiabroŭski žest» z nastupstvami dla dvuchbakovych suviaziaŭ.
Paśla apublikavańnia dokazaŭ źvierstvaŭ, jakija rasijskija vojski čyniać va Ukrainie, z zaklikam vyklučyć Rasiju z Rady AAN pa pravach čałavieka vystupili ZŠA i Vialikabrytanija.
5 krasavika na pasiadžeńni Rady Biaśpieki AAN pastajanny pradstaŭnik ZŠA pry arhanizacyi Linda Tomas-Hrynfiłd zajaviła, što Rasija «nie pavinna zajmać aŭtarytetnaje miesca ŭ orhanie, adzinaj metaj jakoha źjaŭlajecca zachavańnie pravoŭ čałavieka».
I dadała: rasijskaje členstva źjaŭlajecca nie tolki prajavaj vyšejšaj stupieni kryvadušnaści, ale i stvaraje niebiaśpieku, bo kraina vykarystoŭvaje Radu jak płatformu dla iłžyvaj prapahandy.
Što zapisana aficyjnaj pryčynaj śmierci adzinaha syna Jarmošynaj?6
Kamientary