«Mužčyna byŭ dobry, zaŭsiody hatovy pryjści na dapamohu». Maci straciła syna za tydzień da 95-hodździa
Trahiedyja zdaryłasia ŭ vioscy Zaŭličča-Novaje Pastaŭskaha rajona ŭviečary 1 kastryčnika. Tam hareŭ žyły cahlany dom. Zahinuŭ 51-hadovy haspadar, jaki žyŭ adzin, paviedamlaje Kraj.by.
Ratavalniki dali rady z ahniom i znajšli cieła zahinułaha 52-hadovaha haspadara.
Ahoń paškodziŭ ścieny, stol i majomaść. Pryčyna zdareńnia vyśviatlajecca.
Staršynia sielvykankama Taisa Batory raspaviała nastupnaje:
— Mužčyna byŭ žanaty, ale žonka žyła asobna. Jość darosły syn, jaki žyvie ŭ inšym sielsaviecie. U Hłybockim rajonie žyvie maci zahinułaha ź jaho siastroj. Maci 10 kastryčnika spaŭniajecca 95 hadoŭ. Škada, viadoma, ich. Tym bolš što mužčyna byŭ dobry, zaŭsiody hatovy pryjści na dapamohu. Pracavaŭ žyviołavodam. Jon kuryŭ, ale nie ŭ łožku. Viadoma, što ŭ toj viečar pastaviŭ nahravacca čajnik i pryloh. I što ŭžo tam zdaryłasia z tym čajnikam — ci to vada vykipieła, ci to jašče niešta, ale pačaŭsia pažar. A jon zadychnuŭsia ŭ dymie.
MNS paviedamlaje, što haspadara znajšli na padłozie, čajnik byŭ elektryčnym, a pažar moh pačacca z-za karotkaha zamykańnia elektrapravodki.
Kamientary