U studzieni—listapadzie abjom vytvorčaści ŭ Biełarusi źniziŭsia ŭ 6 z 9 halin pramysłovaści
Pavodle źviestak Nacyjanalnaha statystyčnaha kamiteta, u studzieni—listapadzie 2009 hoda ŭ Biełarusi ŭ šaści ź dzieviaci halin pramysłovaści źniziŭsia abjom vytvorčaści.
Najbolšaje padzieńnie abjomaŭ vytvorčaści adbyłosia ŭ mašynabudavańni i mietałaapracoŭcy — na 26,5% u paraŭnańni z anałahičnym letašnim pieryjadam, a taksama ŭ lasnoj, drevaapracoŭčaj i celułozna‑papiarovaj pramysłovaści — na 21,5%.
U pramysłovaści budmateryjałaŭ źnižeńnie skłała 3,7%, čornaj mietałurhii — 5,2%, lohkaj pramysłovaści — 10,1%, elektraenierhietycy — 12,3%.
U chimičnaj i naftachimičnaj pramysłovaści vytvorčaść u studzieni—listapadzie pavialičyłasia na 32,9%, u paliŭnaj — na 9,1%, u charčovaj — na 2,3%.
Biełstat taksama abnarodavaŭ źviestki pa padhalinach. Najbolšy pryrost pramvytvorčaści za 11 miesiacaŭ adbyŭsia ŭ chimičnaj pramysłovaści (na 42,7%), najbolšaje padzieńnie — u aŭtamabilnym mašynabudavańni (na 44,4%).
U cełym pa pramysłovaści ŭ studzieni—listapadzie abjom vytvorčaści źniziŭsia na 3,7% u paraŭnańni z hetkim ža pieryjadam 2008 hoda i skłaŭ 111 trłn. 852,7 młrd. rubloŭ. Abjom pramvytvorčaści ŭ listapadzie ŭ adnosinach da kastryčnika ŭzros na 0,1%.
Zhodna z prahnozam sacyjalna‑ekanamičnaha raźvićcia na 2009 hod abjom pramysłovaj pradukcyi pavinien uzraści na 12,0%.
Kamientary