Fota ilustracyjnaje
U cełym za treci kvartał u biełaruskich abłasnych centrach pradadziena 3049 kvater. Heta na 2% bolš, čym u druhim kvartale, i na 4% pieraŭzychodzić značeńnie anałahičnaha pieryjadu 2022 hoda.
Lidar pa kolkaści pradadzienych kvater — Hrodna, dzie było zakryta 795 ździełak. Mienš za ŭsio ich u Mahilovie: tam pradali 428 kvater.
Dola kvater, nabytych na pieršasnym rynku abłasnych centraŭ, vahajecca ad 1 da 13% u takich haradach, jak Brest, Viciebsk, Homiel, Mahiloŭ, i da 39% — u Hrodnie.
Roźnicca ŭ asobnych abłasnych centrach popyt na kvatery pa kolkaści pakojaŭ. Naprykład, u Viciebsku i Mahilovie kuplali bolš adnapakajovych kvater, a ŭ Breście, Homieli i Hrodnie — dvuchpakajovych.
Siaredniaja cana kvadratnaha mietra ŭ dalarach za treci kvartał pavialičyłasia ŭ Breście, Homieli i Mahilovie na 2%, u Viciebsku — na 3%, u Hrodnie nie źmianiłasia.
Za hod siaredni košt «kvadrata» va ŭsich abłasnych centrach, za vyklučeńniem Hrodna, u dalarach vyras: ad 3% u Mahilovie da 11% u Breście. U Hrodnie zafiksavana źnižeńnie ŭ miežach 1,5%.
Najbolš darahaja ździełka z kvateraj u trecim kvartale siarod abłasnych centraŭ zarehistravanaja ŭ Breście. Čatyrochpakajovuju kvateru pa vuł. Internacyjanalnaj pradali za 218,8 tys. dalaraŭ. Pry hetym košt inšych pradadzienych kvater nie pieravyšaŭ 180 tys. dalaraŭ.
A najbolš vysoki košt kvadratnaha mietra ŭ trecim kvartale siarod abłasnych centraŭ zafiksavany ŭ Viciebsku. Tut «kvadrat» u trochpakajovaj kvatery pa vuł. Kryłova abyšoŭsia pakupniku ŭ 2,6 tys. dalaraŭ.
Čytajcie taksama:
U Słucku ŭ mai zdali šmatpaviarchovik, u jakim niemahčyma žyć. Na domie — vielmi trapny murał
U centry Minska pradajecca zakinuty budynak. Kaštuje jak trochpakajovaja kvatera
«Usia mebla była pasiečana siakieraj». Ryełtary raspaviali pra niezvyčajnyja historyi z praktyki
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)