15-hadovamu synu Kadyrava ŭručyli prestyžnuju ŭznaharodu Tatarstana. Pierad tym jaho krytykavaŭ tatarski deputat
Kiraŭnik Tatarstana Rustam Minichanaŭ uručyŭ 15-hadovamu synu kiraŭnika Čačni Adamu Kadyravu orden «Dusłyk», druhuju pa značnaści ŭznaharodu ŭ respublicy, paviedamiŭ čačenski deputat Dziarždumy Adam Delimchanaŭ.
Na apublikavanaj fatahrafii Ramzan Kadyraŭ, Adam Kadyraŭ, Rustam Minichanaŭ i Adam Delimchanaŭ stajać na fonie budynkaŭ «Hrozny Sici». U Adama Kadyrava pry hetym na hrudziach bačny orden, a na pravaj nazie — pradmiet, padobny da kabury.
Niezadoŭha da taho, 19 kastryčnika, deputat Dziaržsavieta Tatarstana Azat Chamajeŭ na pasiadžeńni hetaha orhana aburyŭsia situacyjaj sa źbićciom abvinavačanaha ŭ spaleńni Karana Mikity Žuraŭla Adamam Kadyravym u hroźnienskim SIZA.
«U jakim pravavym poli my siońnia žyviem? Naprykład, kiraŭnik adnaho z subjektaŭ Rasijskaj Fiederacyi prysvojvaje synu zvańnie hieroja za źbićcio čałavieka!», — skazaŭ Chamajeŭ.
Adnak paźniej deputat skazaŭ, što vykazaŭ «tolki asabistaje mierkavańnie», i paprasiŭ prabačeńnia. Vykazvańnie Chamajeva paśla prakamientavaŭ i Minichanaŭ, jaki adznačyŭ, što pazicyja deputata nie vykazvaje mierkavańnie musulman respubliki.
Ciapierašniaje ŭručeńnie ŭznaharody, vierahodna, źviazana ź imknieńniem załahodzić Kadyrava i «zamiać» situacyju.
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk1
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1616
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu16
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary