Cichanoŭskaja zaklikała Jeŭropu nie iści na ŭhody z Łukašenkam
Jeŭropa pavinna «rašuča vystupić u padtrymku Biełarusi i Ukrainy», zajaviła 28 kastryčnika Śviatłana Cichanoŭskaja.
«Režym [Alaksandra] Łukašenki šukaje lubuju słabaść u našym adzinstvie, ale nie moža być nijakich uhodaŭ z dyktataram, jaki maje dačynieńnie da vajennych złačynstvaŭ, vykradańnia ŭkrainskich dziaciej i teroru suprać ułasnaha naroda», — napisała palityk na svajoj staroncy ŭ X.
Zaklik Cichanoŭskaj źjaviŭsia na fonie apošnich zajaŭ Łukašenki na adras krain Jeŭrapiejskaha sajuza, tanalnaść jakich možna nazvać prymirenčaj, źviartaje ŭvahu «Pozirk»
26 kastryčnika Łukašenka pavinšavaŭ narod Aŭstryi z Dniom pryniaćcia zakona ab pastajannym niejtralitecie, zajaviŭšy pra ŭstojlivuju supracu aŭstryjcaŭ i biełarusaŭ, «niahledziačy na aktyŭnyja sproby zvonku pabudavać barjery i ścieny». «Upeŭnieny, što niaprostyja časy minuć i my z patrojenaj siłaj adnovim uzajemadziejańnie i prymnožym na karyść abiedźviuch krain i jeŭrapiejskaha kantynienta ŭsie dasiahnieńni, napracavanyja i nazapašanyja za apošnija dziesiacihodździ», — adznačyŭ jon u pasłańni.
U toj ža dzień na sustrečy ź ministram zamiežnych spraŭ i źniešniaha handlu Vienhryi Pieteram Sijartam u Minsku Łukašenka čarhovy raz nazvaŭ siabie «zaciatym prychilnikam» zachavańnia Jeŭrasajuza. Pavodle jaho słoŭ, ES «razam z ZŠA, Kitajem, Rasijaj, u niejkaj stupieni Indyjaj źjaŭlajucca mocnymi apiryščami isnavańnia našaj płaniety».
Padčas naviedvańnia Minskaha rajona 27 kastryčnika Łukašenka pachvaliŭ palakaŭ za hałasavańnie na niadaŭnich vybarach, vyniki jakich, vierahodna, dazvolać apazicyi sfarmavać parłamienckuju bolšaść i ŭznačalić urad.
Akramia taho, jon zajaviŭ, što Biełaruś «nastrojenaja na mir z usimi susiedziami i inšymi krainami i nie žadaje vajavać».
Vinšujučy čechaŭ z Dniom dziaržaŭnaści 28 kastryčnika, Łukašenka vykazaŭ mierkavańnie, što Minsk i Praha siońnia majuć mahčymaści dla «adnaŭleńnia kanstruktyŭnaj supracy ŭ handlovaj i humanitarnaj śfierach». «Biełaruski bok da hetaha hatovy», — adznačyŭ jon.
Pašpart Novaj Biełarusi pačnuć vydavać z 26 studzienia. Što viadoma i jak atrymać?64
Kamientary
Niaŭžo ŭ vałodźki zdaroŭje zusim słabaje stała?))