«Dla bolš pazityŭnaj vučoby». U adnym z univiersitetaŭ Hiermanii studenty prahałasavali za dazvoł zajmacca seksam u prybiralniach
«Pieršapačatkova prapanova rasceńvałasia jak niešta satyryčnaje, ale studenty nastolki prasiaknulisia idejaj, što heta vyjšła za ramki žartu», — zajaviŭ pres-sakratar univiersiteta.
25 kastryčnika padčas studenckaha źjezda va ŭniviersitecie Aŭhsburha (horad na poŭdni Hiermanii) na hałasavańnie byŭ pastaŭleny punkt ab dazvole seksu pamiž studentami ŭ prybiralniach lekcyjnaha korpusa navučalnaj ustanovy. Paśla doŭhich i haračych dyskusij heta ideja była pryniataja bolšaściu hałasoŭ, pieradaje vydańnie Daily Mail.
Realizavać ideju prapanoŭvałasia z dapamohaj ustanoŭki ŭ asobnych kabinkach tualetaŭ tak zvanych Sex-Löchern (ad niam. «seks-dzirki») — śpiecyjalnych adtulin u ścienach, praź jakija možna ananimna zajmacca roznymi vidami seksu.
Na dumku aŭtaraŭ prapanovy, heta zabiaśpiečyć «bolš pazityŭnuju pracoŭnuju atmaśfieru ŭ kampusie» i dazvolić «rassłablacca padčas stresavaha ŭniviersiteckaha žyćcia».
«Try adtuliny pavinny być zroblenyja ŭ tualecie lekcyjnaha korpusa kala ŭvachoda, dzie raźmieščanyja infarmacyjnyja stendy. Kabinki pavinny być hukaizalavanymi i nieprazrystymi.
Pavinna być mahčymaść rehulavańnia vyšyni dzirak, a taksama patrebnyja naściennyja poručni, za jakija možna trymacca. Nieabchodna, kab u tych miescach śviatło było krychu prytušana i kab pobač znachodzilisia preziervatyvy, survetki, zmazka, dezynfiekcyjnyja srodki i śmiećcievyja košyki», — napisana ŭ prapanovie, jakaja była pryniataja na hałasavańni padčas studenckaha źjezda va ŭniviersitecie Aŭhsburha.
Adnak nie ŭsie studenty padtrymali hetuju ideju. Miascovaja jačejka Asacyjacyi chryścijanska-demakratyčnych studentaŭ (Ring Christlich-Demokratischer Studenten) napisała adkryty list prezidentu ŭniviersiteta Aŭhsburha, dzie nazvała prapanovu ŭstalavać seks-dzirki «nieprymalnaj, niedarečnaj i vielmi skandalnaj».
Samo kiraŭnictva VNU vyrašyła nie ŭmiešvacca ŭ hałasavańnie studenckaha źjezda i vykazała mierkavańnie, što takaja inicyjatyva, chutčej za ŭsio, maje žartoŭny charaktar.
«Administracyja ŭniviersiteta nie zadaje kirunkaŭ dla studenckaha źjezda i nie robić z hetaj nahody nijakich zajaŭ. Adnak u hetym vypadku možna mierkavać, što punkt ab seks-dzirkach maje satyryčny charaktar.
Pry hetym studenty tak prasiaknulisia idejaj, što heta ŭžo składana nazvać žartam», — zajavili ŭ pres-słužbie ŭniviersiteta Aŭhsburha.
U vyniku źjezd studentaŭ vyrašyŭ, što hetaja prapanova budzie sapraŭdy ličycca imi žartam, a tamu jana nie budzie realizavanaja.
Takoha cnatlivaha pakaleńnia daŭno nie było. Voś što viadoma pra moładź 13-24 hadoŭ
«Jamu ciažka dajucca maje spaźnieńni». Biełaruski raskazali, ź jakimi prablemami sutyknulisia ŭ adnosinach ź inšaziemcami
«Ja dakładna nie budu horda chadzić z rasijskim pašpartam». Pornazorka, najbolš papularnaja ŭ biełarusaŭ, choča atrymać hramadzianstva ZŠA
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary