Na MKAD zrobiać novyja pierachodna-chutkasnyja pałosy. Navošta?
Na minskaj kalcavoj aŭtadarozie ŭładkujuć novyja pierachodna-chutkasnyja pałosy. Heta dapamoža źnizić kolkaść DTZ, pavialičyć chutkaść ruchu transpartu i pavysić jaho prapusknuju zdolnaść, upeŭnieny namieśnik načalnika ŭpraŭleńnia DAI HUUS Minharvykankama Dzianis Livanovič, jakoha cytuje BiełTA.
![](http://nashaniva.com/img/w840d4webp1/photos/stock/__bun_nn_20200605-7052-gluc3.jpg.webp)
Milicejski čynoŭnik patłumačyŭ, što pieršapačatkova MKAD była zaprajektavanaja z maksimalnaj prapusknoj zdolnaściu 80 tys. aŭtamabilaŭ na sutki. Ale za apošnija hady intensiŭnaść ruchu značna ŭzrasła, a ranicaj usiaho za hadzinu pa kalcavoj mohuć prajazdžać kala 8,3 tys. mašyn.
Pavodle źviestak Dziaržaŭtainśpiekcyi, z 2020 hoda na MKAD adbyłosia 155 DTZ, u jakich 22 čałavieki zahinuli i 176 paranienyja.
Z-za ščylnaści ruchu na kalcavoj i nieadnarodnaha składu transpartnaj płyni navat niaznačnaja avaryja chutka pryvodzić da surjoznych zatoraŭ, a časam i da bolš trahičnych nastupstvaŭ, padkreślivaje Livanovič.
Z dapamohaj manitorynhu vyznačyli, što najbolš prablemnyja ŭčastki — miescy pierasiačeńnia transpartnych płyniaŭ. Praściej kažučy, tam, dzie sustrakajucca aŭtamabili i haradskija aŭtobusy.
Pablizu prypynkaŭ hramadskaha transpartu nie zaŭsiody jość pierachodna-chutkasnaja pałasa abo jana niedastatkova praciahłaja. Aktyŭna abstaloŭvać takija pałosy majuć namier u najbližejšyja niekalki hadoŭ.
Akramia ŭładkavańnia pałos razhonu DAI ličyć važnym adpraŭlać na maršruty hramadskaha transpartu, jakija prachodziać pa MKAD, bolš manieŭranyja aŭtobusy.
Jašče adzin sposab vyrašyć prablemu — novyja padychody da rekanstrukcyi puciepravodaŭ, jakija dajuć mahčymaść arhanizavać levapavarotnyja źjezdy bieź źnižeńnia chutkaści ruchu transpartnaj płyni.
Kamientary