Były hienieralny sakratar NATO prapanuje pryniać Ukrainu ŭ vajskovy aljans, ale biez akupavanych terytoryj
Anders Foh Rasmusen tłumačyć, čamu bačyć heta aptymalnym rašeńniem.
Anders Foh Rasmusen byŭ hienieralnym sakratarom NATO z 2009 da 2014 hoda. Jon miarkuje, što pytańnie ab ustupleńni Ukrainy ŭ NATO nie moža być znoŭ adkładzienaje na nastupny hod, piša The Guardian.
«Pryjšoŭ čas zrabić nastupny krok i nakiravać zaprašeńnie Ukrainie ŭstupić u NATO. Nam patrebnaja novaja architektura jeŭrapiejskaj biaśpieki, u jakoj Ukraina znachodzicca ŭ samym sercy NATO».
Prychilnikaŭ siabroŭstva Ukrainy ŭ NATO strymlivaje toje, što raspaŭsiud artykuła 5 damovy Aljansu ab kalektyŭnaj samaabaronie na ŭsiu ŭkrainskuju terytoryju abaviaža krainy-čalcy NATO stać na aktyŭnuju abaronu krainy, jakaja znachodzicca ŭ stanie vajny.
Rasmusen miarkuje, što vyklučeńnie ź dziejańnia damovy NATO terytoryj, akupavanych Rasijaj, pamienšyła b pahrozu kanfliktu pamiž Rasijaj i NATO.
Były hiensak nie ličyć, što hety krok pryviadzie da zamarožvańnia kanfliktu.
«Absalutnaja dakładnaść harantyj pavodle artykuła 5 utrymała b Rasiju ad naroščvańnia napadaŭ na ŭkrainskuju terytoryju ŭ składzie NATO i, takim čynam, vyzvaliła b ukrainskija siły dla adpraŭki na pieradavuju».
«Kab zrabić artykuł 5 pierakanaŭčym, nieabchodna dać Rasii vyrazny sihnał ab tym, što luboje parušeńnie terytoryi NATO budzie sustretaje adkazam», — dadaŭ Rasmusen.
Jon skazaŭ, što niedakładny precedent isnavaŭ, kali Zachodniaja Hiermanija dałučyłasia da Paŭnočnaatłantyčnaha sajuza ŭ 1955-m hodzie, i artykuł 5 achoplivaŭ jaje terytoryju, ale nie terytoryju Uschodniaj Hiermanii.
Rasmusen vykłaŭ try asnoŭnyja pryčyny, pa jakich Ukrainie było prapanavana siabroŭstva.
Pa-pieršaje, Ukraina ŭ składzie NATO vystupała b u jakaści apiryšča suprać usio jašče ahresiŭnaj Rasii. Pa-druhoje, šeryja zony niebiaśpiečnyja, a niejtralitetu ŭ starym razumieńni hetaha słova bolš nie isnuje. «Šeryja zony stanoviacca spakusaj dla Pucina atakavać», — adznačyŭ jon. Pa-treciaje, ukrainskaja armija, ličyć jon, ciapier samaja zahartavanaja ŭ bajach armija ŭ Jeŭropie i budzie kaštoŭnym aktyvam i prykładam dla inšych jeŭrapiejskich dziaržaŭ.
-
60-hadovy mužčyna, jaki ŭ 2020-m naziraŭ za vybarami z taburetki praź binokl, paśla advajavaŭ dva hady va Ukrainie
-
Jak ukrainskija inžyniery pieratvaryli lohki samalot va ŭdarny bieśpiłotnik, što moža dalatać da Maskvy
-
«Pucin śviadoma abraŭ Kalady dla napadu». Rasija naniesła čarhovy masiravany ŭdar pa enierhietycy Ukrainy
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary