Fest z bałkanskim uchiłam:«Krambambula», Karł Chłamkin, Drum Ecstasy, «DzieciDziaciej»
U kłubie «Reaktar» 22 śniežnia adbudziecca «Soncastajańnie», muzyčny fest z bałkanskim uchiłam. Udzielničajuć: Karł Chłamkin i jaho hurt «OhnieOpasnOrkiestr». «Krambambula», Drum Ecstasy, «Biez Bileta», «DzieciDziaciej», Valik Hryško, Bienia («Sieriebrianaja svad́ba»), Rocker Joker, dy inš.
Čamu bałkanskaja muzyka? «Bałkanski bit– ciapier modny, niezajedžany, žyćciaśćviardžalny, asabliva ŭ našym pachmurnym klimacie, nakirunak -- kaža Jaŭhien Novaš, siabra tvorčaj supołki «Dzieci Sonca», arhanizatarki kancertu. – Da festu muzyki rychtujucca jak śled: vo «Dziecidziaciej» zrabili admysłovuju bałkanskuju prahramu, jakuju chavajuć u sakrecie navat ad nas, Lavon Volski z «Krambambulaj» pradstavić na viečary novyja pieśni, i tamu heta budzie ŭ dadatak faktyčna prezientacyja śviežaj kružełki, Karłu ž Chłamkinu naahuł nia treba rychtavacca: jon zaŭsiody hraŭ z uchiłam u bałkan-bit».
Karł Chłamkin - čałaviek-arkiestr. Pieršy albom ryžanin Chłamkin zapisvaŭ z muzykami «Lapisa Trubiackoha». Hraje ŭ dyjapazonie ad kabare da ska, aktyŭna hastraluje pa Jeŭropie, vystupaŭ z «niekurcovym» arkiestram Emira Kusturycy i cyhanistym Gogol Bordello.
Fest «Soncastajańnie» pačniecca a 19 i pavodle arhanizataraŭ praciahniecca za poŭnač. Kvitki – 40 tys. (tancplac).
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»6
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary