Usie vobłaści Biełarusi, taksama jak ministerstvy i viedamstvy, pavinny vykanać paramietry sacyjalna‑ekanamičnaha raźvićcia na 2006‑2010 hady.
Usie vobłaści Biełarusi, taksama jak ministerstvy i viedamstvy, pavinny vykanać paramietry sacyjalna‑ekanamičnaha raźvićcia na 2006‑2010 hady. Pra heta zajaviŭ siońnia premjer‑ministr Biełarusi Siarhiej Sidorski na pasiadžeńni Prezidyuma Savieta Ministraŭ.
«Padychod adzin: vobłaści pavinny vyjści na paramietry prahnozu sacyjalna‑ekanamičnaha raźvićcia na 2006‑2010 hady, jak i ministerstvy i viedamstvy, — skazaŭ Siarhiej Sidorski. — Ja nie prymaju siońnia nijakich pytańniaŭ, jakija datyčacca pierahladu ŭ toj abo inšy bok prahnozu».
Jak nahadaŭ premjer‑ministr, u Biełarusi pryniaty ŭkaz numar 595, jakim zaćvierdžany važniejšyja paramietry prahnozu sacyjalna‑ekanamičnaha raźvićcia krainy na 2010 hod.
Pastaŭlena zadača pierad uradam i miascovymi orhanami ŭłady pavialičyć VUP na 11‑13 pracentaŭ u nastupnym hodzie.
«Dla hetaha nieabchodna ŭradu i abłasnym vykanaŭčym kamitetam, pradpryjemstvam, usim subjektam haspadarańnia pryniać dastatkovyja miery dla realizacyi pastaŭlenaj zadačy, — adznačyŭ premjer‑ministr. — Hałoŭnaje — maksimalna zbałansavać rabotu asnoŭnych halin ekanomiki i raspracavać nieabchodnyja padychody, jakija lahuć u asnovu našaj raboty ŭžo z 1 studzienia nastupnaha hoda biez razvarušvańnia. Bo pakazčyki vielmi napružanyja, rabota halin ekanomiki pavinna być zabiaśpiečana sa studzienia».
Jak adznačyŭ premjer‑ministr, urad daŭ adpaviednyja daručeńni ministerstvam i viedamstvam pa pačatku raspracoŭki płana dziejańniaŭ pa dasiahnieńniu prahnoznych pakazčykaŭ. Ministerstvu ekanomiki daručana ŭnieści va ŭrad prajekt pastanovy ŭrada pa dasiahnieńniu prahnoznych pakazčykaŭ. Akramia taho, tradycyjna budzie padrychtavany dakumient, jaki vyznačaje zbałansavanaść kredytna‑hrašovaj palityki. Užo na nastupnym tydni płanujecca pravieści pasiadžeńnie ŭrada i zaćvierdzić ŭsie nieabchodnyja dakumienty.
***
Nahadajem, zhodna z ukazam numar 595, u 2010 hodzie temp rostu vałavoha ŭnutranaha praduktu ŭ Biełarusi budzie ŭ miežach 111‑113 pracentaŭ u paraŭnańni z papiarednim hodam, pradukcyi pramysłovaści — 110‑112 pracentaŭ, pradukcyi sielskaj haspadarki — 110‑111 pracentaŭ, inviestycyj u asnoŭny kapitał — 123‑125 pracentaŭ.
Prahnazujecca, što ŭ 2010 hodzie na ekspart budzie nakiravana 52 pracenty pryrostu vytvorčaści pramysłovaj pradukcyi. Z ulikam hetaha abjom źniešniaha handlu tavarami i pasłuhami pavialičycca na 24‑25 pracentaŭ, u tym liku ekspart — na 27‑28 pracentaŭ, impart — na 20‑21 pracent.
Temp rostu realnaj zarabotnaj płaty ŭ 2010 hodzie składzie 113‑114 pracentaŭ pry indeksie spažyvieckich cen 109‑110 pracentaŭ.
Naminalnaja naličanaja siaredniamiesiačnaja zarabotnaja płata pa narodnaj haspadarcy da kanca 2010 hoda dasiahnie $500 u ekvivalencie. U cełym zadańni pa prahnoznych paramietrach na 2010 hod ustanoŭleny z ulikam biezumoŭnaha vykanańnia rašeńniaŭ treciaha Usiebiełaruskaha narodnaha schodu i dasiahnieńnia asnoŭnych pakazčykaŭ Prahramy sacyjalna‑ekanamičnaha raźvićcia Biełarusi na 2006‑2010 hady. Ukaz ustupaje ŭ siłu z 1 studzienia 2010 hoda, za vyklučeńniem asobnych punktaŭ.
Što zapisana aficyjnaj pryčynaj śmierci adzinaha syna Jarmošynaj?4
Kamientary