U składzie USU vajuje Vadzim Cituška, čyjo proźvišča ŭzbahaciła adrazu niekalki moŭ FOTAFAKT
Na dziesiacihodździe ŭkrainskaj Revalucyi hodnaści va Ukrainie ŭspomnili pra čałavieka, proźvišča jakoha ŭ toj čas nabyło simvaličnaje značeńnie jak va ŭkrainskaj movie, tak i ŭ niekatorych inšych. Havorka idzie pra Vadzima Citušku.
Jak napisaŭ u fejsbuku palityk i hramadski dziejač Juryj Juzič, jaki sam ciapier na froncie:
«U heta ciažka pavieryć, ale Cituška vajuje va USU, u składzie lehiendarnaj 72-bryhady «Čornyja zaparožcy». Z krasavika 2022-ha. Małodšy siaržant, kamandzir adździaleńnia… U toj čas jak mnohija «majdanaŭcy» siadziać pa chatach…».
Proźvišča Vadzima Cituški nabyło šyrokuju viadomaść u traŭni 2013 hoda. Tahačasnyja ŭkrainskija ŭłady, zmahajučysia sa svaimi ideałahičnymi apanientami, pryniali na ŭzbrajeńnie taktyku najmańnia maładych ludziej, jakija niehałosna vykarystoŭvalisia ŭ jakaści padbuchtorščykaŭ i najmitaŭ dla arhanizacyi siłavych pravakacyj, bojek, inšych akcyj z užyvańniem fizičnaj siły. Im harantavalisia biespakaranaść i zastupnictva z boku pravaachoŭnych orhanaŭ, tamu źjava nabyła šyroki razmach.
Spartoviec ź Biełaj Carkvy na Kijeŭščynie Vadzim Cituška byŭ adnym z takich najmitaŭ, jaki ničym asablivym nie vyłučaŭsia. Ale płyń historyi čamuści abrała ŭ jakaści simvała źjavy mienavita jaho. 18 traŭnia 2013 hoda jon udzielničaŭ u Kijevie ŭ bojcy z apazicyjaj i napaŭ na žurnalistaŭ, jakija znachodzilisia na miescy padziej. Fotakarespandenty zafiksavali napad, dziakujučy čamu sprava dajšła da suda, na jakim Citušku asudzili na 3 hady źniavoleńnia, choć urešcie pakarańnie było zamieniena na ŭmoŭnaje. Ale praces nad im pryciahnuŭ vialikuju hramadskuju ŭvahu, i ŭrešcie ŭsich najmitaŭ-pravakataraŭ, jak praviła spartyŭnaha ciełaskładu, stali paŭsiudna nazyvać «cituškami». I nie tolki pa-ŭkrainsku, ale i pa-rasiejsku, i pa-biełarusku, i na inšych movach.
Sam ža Vadzim Cituška paźniej źmianiŭ svoj śvietapohlad, i ŭžo padčas Jeŭramajdana 2013-2014 hadoŭ jon padtrymlivaŭ nie ŭłady, a prajeŭrapiejskuju apazicyju.
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary
Chvory na ŭsiu kukuchu