Jašče adna turystyčnaja kraina moža spraścić vydaču viz dla biełarusaŭ
Jak paviedamiŭ partału Tochka.by hanarovy konsuł Karaleŭstva Tajłand u Respublicy Biełaruś Ivan Čura, pa linii MZS dźviuch krain u dadzieny momant iduć pieramovy na temu spraščeńnia vizavaha režymu.
«Pieršy etap — heta vizy pa prylocie ŭ aeraporcie ŭ Tajłandzie. A druhi etap — poŭnaja admiena viz. Tema jość, biełaruskaje MZS užo adpraviła ŭ MZS Tajłanda nieabchodnuju infarmacyju. Znoŭ ža, usio ŭ pracesie, pakul padpisanych dakumientaŭ niama, ale naš bok raźličvaje na stanoŭčaje rašeńnie pa hetym pytańni», — adznačyŭ dypłamat.
Ciapier pamiž Biełaruśsiu i Tajłandam dziejničaje vizavy režym. Viza dla biełaruskich hramadzian vydajecca pasolstvam Tajłanda ŭ Rasii, ale dakumienty padajucca ŭ Minsku ŭ hanarovym konsulstvie Karaleŭstva Tajłand. Košt tajskaj vizy dla biełarusaŭ składaje 40 dalaraŭ plus 70 rubloŭ.
Pa słovach Ivana Čury, štotydzień praz tajłandskaje konsulstva ŭ Minsku vizy atrymlivaje prykładna 300 čałaviek, heta značyć 1,2 tys. u miesiac. Heta śviedčyć ab tym, što našy hramadzianie aktyŭna adpačyvajuć u hetaj ekzatyčnaj krainie.
Ciapier iduć pieramovy i adnosna taho, kab źviazać Biełaruś z Tajłandam niepasrednym avijazłučeńniem. Kali pieramovy skončacca pośpiecham, to vykonvać pieraloty zmoža tajłandskaja avijakampanija, jakaja maje dla hetaha adpaviedny fłot dalokamahistralnych samalotaŭ. Aryjencirovačny termin zapusku rejsu — vierasień nastupnaha hoda.
«Kitajcy biarucca šlubami sa słaviankami, bo heta tanna». Biełaruska pierajechała ŭ Kitaj, a ciapier u svaim błohu raskazvaje pra žyćcio tam
Bojki «rajon na rajon» i mocnaja kłasavaść. Jak biełarus paŭhoda pracavaŭ u Papua — Novaj Hviniei
«Tut jość uvohule ŭsio — i naohuł ničoha nie treba». Biełaruska pierajechała ŭ Tajłand i raskazvaje, jak kazačna tam žyviecca
Ciapier čytajuć
U centry Minska tajamniča źnikła dačka dyrektara bujnoha ahrakompleksu9
Kamientary