«Na 3-5 hradusaŭ nižej za normu». Jakoje nadvorje čakaje biełarusaŭ
Pryroda pierakinie žycharoŭ Biełarusi «na miesiac napierad». Siaredniaja tempieratura pavietra čakajecca na 3-5 hradusaŭ nižejšaj za normu. Pra heta sinoptyk Dźmitryj Rabaŭ raspavioŭ na ANT.
Hety tydzień, pavodle jaho słoŭ, budzie nie tolki maroznym, ale i śniežnym — da kanca tydnia vyšynia śniežnaha pokryva składzie ad čatyroch santymietraŭ u Breście da tryccaci ŭ Viciebsku.
Panavać u krainie budzie čarnamorski cykłon. U paniadziełak, 27 listapada, na bolšaj častcy terytoryi čakajecca śnieh, ale najbolš jaho vypadzie pa ŭschodzie krainy. Unačy tempieratura apuścicca miescami da -9, a pa poŭnačy da -12. Dniom paciapleje — budzie ad -1 da -7, u aŭtorak — ad -2 da -8 hradusaŭ, u sieradu na hradus vyšej — ad -1 da -7.
Soniejka prahlanie ŭ druhoj pałovie tydnia, ale nievialiki karotkačasovy śnieh usio ž prahnazujecca. Unačy mocna pachaładaje — ad -6 hradusaŭ pa poŭdni da -15 pa paŭnočnym zachadzie.
— Dniom u čaćvier tempieratura pavietra składzie -2…-9 hradusaŭ, u piatnicu — ad -2 da -12, — raspavioŭ Rabaŭ.
Pieršyja vychadnyja zimy buduć śniežnymi. Unačy čakajecca da -15, dniom u subotu — ad -4 da -9, u niadzielu — ad -3 da -10 hradusaŭ.
Kamientary