Deputat rasijskaj Dziaržaŭnaj dumy Aleh Niłaŭ prapanavaŭ u adkaz na dziejańni ŭrada Finlandyi, jaki całkam zakryŭ suchaputnuju miažu krainy z Rasijaj u adkaz na inśpiravany mihrancki kryzis, pierajmienavać Finski zaliŭ, piša «Kommiersant».
Pavodle słoŭ deputata, adpaviedny zapyt pastupiŭ jamu ad žycharoŭ Sankt-Pieciarburha. Jany nibyta prosiać pierajmienavać zaliŭ u Nieŭski. Taksama, na dumku Niłava, impieratar Piotr I roŭna trysta hadoŭ tamu, u 1723 hodzie, nibyta pry zasnavańni horada Kranštata nazvaŭ zaliŭ Kranštackim.
Nasamreč, jak paznačana na sajcie tapanimičnaha partała Sankt-Pieciarburha, ciapierašni Finski zaliŭ u XVI stahodździ nasiŭ nazvu Livonskaha zaliva, a ŭ naŭharodskich letapisach nazyvaŭsia Kotlinskim vozieram (u honar vostrava Kotlin, na jakim paźniej byŭ zasnavany Kranštat).
Nazva Finski zaliŭ u ruskaj movie viadomaja z 1710-ch hadoŭ, a Kranštackim zalivam jon byŭ u 1737-1793 hadach.
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu16
Kamientary