Padličyli, jakija kolery ŭ adzieńni čaściej za ŭsio vybirajuć biełarusy — rejtynh papularnaści
«Kufar» praviała analiz zapytaŭ biełarusaŭ i biełarusak adnosna koleru pry nabyćci adzieńnia. Vyniki dastatkova čakanyja.
U toj čas, jak koleram 2023 hoda byŭ miks malinavaha i jarka čyrvonaha, a dla 2024 hoda instytut koleru Pantone abraŭ Peach Fuzz ci piaščotna-piersikavy, biełarusy praciahvajuć addavać pieravahu čornamu i biełamu.
Ab hetym śviedčyć analiz zapytaŭ na Kufary. Usiaho było apracavana zvyš 9 miljonaŭ zapytaŭ. Ź ich na mužčyn prypadaje kožny treci.
U palitry dla vybaru adzieńnia na sajcie prysutničajuć adzinaccać koleraŭ. Akramia kłasičnych čornaha i biełaha, i takich zrazumiełych jak šery, karyčnievy, sini, błakitny, zialony, čyrvony, možna vybrać bežavy, ružovy i chaki.
Jak pakazaŭ analiz, u trojku lubimych koleraŭ dla žančyn uvajšli čorny, bieły i bežavy. Mužčyny akazalisia salidarnymi z žančynami tolki ŭ pieršych dvuch kolerach. Na trecim miescy ŭ ich apynuŭsia sini. U žančyn jon tolki na šostym miescy.
Pradstaŭniki abodvuch pałoŭ akazalisia salidarnymi i ŭ vybary koleru, jaki zaniaŭ čaćviortaje miesca. Im staŭ šery.
Ale nielha skazać, što mužčyny zastajucca kansiervatyŭnymi. Bežavy koler u ich apynuŭsia na piatym miescy i abyšoŭ pa papularnaści chaki (šostaje miesca). Błakitny, karyčnievy i zialony kolery ŭ mužčyn karystalisia adnolkavaj papularnaściu. A voś radziej za ŭsio mocnaja pałova vybirała čyrvony i ružovy kolery.
Žančyny tradycyjna prajavili simpatyju da bolš pastelnaj hamy koleraŭ, addaŭšy bolš simpatyi błakitnamu, šeramu i ružovamu.
Čyrvony koler u žančyn, jak i ŭ mužčyn, apynuŭsia na pieradapošnim miescy. Nu a na apošnim tradycyjna «mužčynski» koler — chaki.
Čytajcie jašče:
Biary prykład! Dziesiać stylovych biełarusaŭ, vobrazami jakich možna natchniacca
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie4
Kamientary