Jak raściahnuć džynsy, kali jany sieli

Džynsy tryvała zamacavalisia ŭ našym harderobie. Ich nosiać žančyny i mužčyny ŭsich uzrostaŭ. Z džynsami dobra hladziacca jak futbołki, tak i śvitary z kašulami. Ciapier isnuje šyroki vybar koleraŭ džynsavaj tkaniny a taksama jaje składu.

Adnak časam zdarajecca, što lubimaja para džynsaŭ paśla čarhovaha myćcia stanovicca nam małoj. Ci džynsy, jakija my prymiarali ŭ mahazinie, doma padajucca nie takimi kamfortnymi i zručnymi. Isnuje šerah pravieranych mietadaŭ, jak dabicca taho, kab jany byli dla nas kamfortnymi. Ale na pačatku raźbiaremsia,

Čamu džynsy sadziacca?

Samaja raspaŭsiudžanaja pryčyna — niapravilnaje myćcio džynsaŭ. Niahledziačy na daŭhaviečnaść džynsavaj tkaniny, jaje nielha myć pry tempieratury vyšej za 30 hradusaŭ. Pa mahčymaści addavajcie pieravahu ručnomu myćciu. Kali ž vy pryzvyčailisia da pralnaj mašyny, to vybirajcie dalikatny režym.

Taksama nie rekamiendujecca myć džynsy zanadta časta. Dla ludziej, jakija pryzvyčailisia myć vopratku kožny tydzień, heta niepryjemnaja navina, ale fakty kažuć sami za siabie: džynsy nie peckajucca (kali heta nie pracoŭnaje adzieńnie), jak kłasičnaja bavoŭna, i nie patrabujuć takoha častaha myćcia.

Bolš redkaje myćcio abaronić vašyja džynsy ad praźmiernaha ŭsadžvańnia i vymyvańnia farby. Kab pieraduchilić vymyvańnie koleru, važna taksama vyvaročvać džynsy navyvarat pierad tym, jak pakłaści ich u pralnuju mašynu. Nie mienš važna i toje, što džynsy lepš za ŭsio myć biez kandycyjanieraŭ dla bializny. Taki padychod zachavaje formu i pamier daŭžej.

Jak raściahnuć džynsy

Raściažka džynsavaj tkaniny moža varjiravacca ŭ zaležnaści ad taho, što ŭvachodzić u jaje skład. Kali vašy džynsy vyrableny z bavoŭny, raściahnuć ich budzie nieskładana. Ale i vierahodnaść taho, što jany siaduć, taksama vialikaja. Dobrym dadatkam da bavoŭny, jakaja palehčaje hety praces, zjaŭlajecca strejč.

Adnak prablematyčnaj budzie para džynsaŭ, tkanina jakich, aproč bavoŭny, ŭtrymlivaje vialikuju kolkaść poliesteru. Taki skład budzie maksimalna ŭstojlivy da raściažki, ale heta nie značyć, što nie varta sprabavać pavialičyć pamier lubimych štanoŭ.

Pavialičyć

Jak raściahnuć džynsy ŭ talii

Kab raściahnuć džynsavuju tkaninu ŭ vobłaści talii, mocna namačycie materyjał (dobry efiekt daść i adparvańnie z dapamohaj prasu) i pasprabujcie naciahnuć štany na pradmiet, šyrynia jakoha budzie bolš šyryni ich talii. Heta moža być kresła, doška dla prasavańnia ci viešałka dla kašul, na jakuju možna naciahnuć džynsy.

Pakińcie ich na niekalki chvilin, zatym źnimicie i dajcie vysachnuć. Sušyć nieabchodna dalej ad roznych nahravalnych pryboraŭ. Nielha pakidać mokryja džynsy i pad pramymi soniečnymi pramieńniami. Pažadana dla suški vykarystać haryzantalnuju pavierchniu. Kali takoj mahčymaści niama, to lepš sušyć na viaroŭcy dla bializny, paviesiŭšy džynsy za kancy štaninaŭ. Ale nie pakidajcie ŭ takim stanie džynsy da poŭnaha vysychańnia. Zdymicie ich trochi vilhotnymi i paprasujcie z advarotnaha boku.

Jak raściahnuć džynsy ŭ inšych miescach

Kali vašy džynsy stvarajuć dyskamfort u vobłaści biodraŭ ci łytak, to tut lepš za ŭsio ich apranuć i dobra namačyć z dapamohaj raspylalnika ŭ tym miescy, jakoje vy chočacie raściahnuć. Zatym treba vykanać sieryju intensiŭnych ruchaŭ. Heta mohuć być prysiadańni, ci raściažka. Praz chvilin 10—15 vilhotnyja džynsy treba źniać i vysušyć.

Pavialičyć

Možna pasprabavać i bolš radykalny sposab, jaki dazvolić raściahnuć džynsy va ŭsich miescach. Dla hetaha papiarednie namočanyja džynsy apranajuć i dajuć padsochnuć na ciele. Pry hetym rekamiendujecca taksama rabić roznyja praktykavańni pa raściažcy. Nie vielmi zručna, zatoje dziejsna. Kab paźbiehnuć afarbavańnia skury, možna pierad apranańniem nanieści na cieła krem (jon nie pavinien być na asnovie aleju).

Kali ž vy chočacie dadać daŭžyni džynsam, naciahnicie mokryja štaniny ŭzdoŭž unutranaha šva, pačynajučy ad kalena. Tolki pamiatajcie, što džynsy nielha raściahvać u miescach, dzie jość dzirki ci paciortaści (dekaratyŭnyja ci jakija zjavilisia paśla našeńnia). U hetych miescach jany mohuć parvacca.

Možna vykarystać srodak dla raściahvańnia abutku, jaki nanosicca pa ŭsioj daŭžyni šva. Zatym kožnuju štaninu miakka ciahnuć u roznyja baki. Takuju praceduru možna paŭtaryć niekalki razoŭ.

Čytajcie jašče:

Maładziony skrali z kramy 13 par džynsaŭ

Čym niebiaśpiečnaja džynsavaja tkanina i jakija joj jość alternatyvy?

Jak chutka vysušyć adzieńnie? Raskazvajem pra łajfchaki

• 3
• 0
• 4
• 2
• 2
• 3
• 7
• 0