MARH nazvała dolu biełaruskich tavaraŭ, što pradajucca kala kasaŭ. Jana zusim maleńkaja
Pašyreńniu doli biełaruskich tavaraŭ u prykasavaj zonie pieraškadžajuć zaklučanyja kantrakty rytejleraŭ ź imparciorami.
U Biełarusi ŭ kramach płanujuć pavialičyć dolu tavaraŭ biełaruskaj vytvorčaści ŭ prykasavaj zonie. Pra heta zajaviŭ žurnalistam ministr antymanapolnaha rehulavańnia i handlu (MARH) Alaksiej Bahdanaŭ pierad biznes-sustrečaj z pradstaŭnikami bujnych handlovych sietak i ajčynnych vytvorcaŭ, piša BiełTA.
«Pradstaŭniki handlovych arhanizacyj i pradpryjemstva kancerna «Biełdziaržcharčpram» sabralisia abmierkavać pavieličeńnie doli prodažaŭ biełaruskaj pradukcyi. Asablivy fokus uvahi na prykasavaj zonie. Ciapier dola biełaruskich tavaraŭ tut składaje 17-18%. Budziem abmiarkoŭvać, jak pakrokava pavialičyć dolu prodažaŭ hetaj pradukcyi i pašyryć asartymient», — skazaŭ Alaksiej Bahdanaŭ.
Pavodle jaho słoŭ, pašyreńniu doli biełaruskich tavaraŭ u prykasavaj zonie pieraškadžajuć zaklučanyja kantrakty rytejleraŭ ź imparciorami, a taksama niemahčymaść vypuścić u Biełarusi ŭsie drobnaštučnyja tavary.
Pry hetym biełaruskija pradpryjemstvy imknucca raźvivać hety kirunak i pracujuć nad impartazamiaščeńniem mnohich pazicyj.
Alaksiej Bahdanaŭ taksama raspavioŭ, što pradpryjemstvy pradstaŭlajuć svajo prykasavaje abstalavańnie, jakoje budzie pastupova ŭkaraniacca ŭ handlovych arhanizacyjach.
Kamientary