Ź Minska ŭ Stambuł možna budzie dalacieć na dźvie hadziny chutčej, čym ciapier. Jak takoje mahčyma?
Tureckaja avijakampanija Southwind Airlines zapuskaje pramyja rejsy pa napramku Stambuł-Minsk. I jany zajmajuć mienš času, čym u Belavia.
Na sajcie tureckaj aviakampanii Southwind Airlines źjavilisia bilety na rejs z Nacyjanalnaha aeraporta Minsk u Stambuł.
Čas pieralotu — 3 hadziny 45 chvilin. Heta na 2 hadziny chutčej, čym prapanuje Belavia. Pryčyna, vierahodna, u tym, što Belavia ablataje Ukrainu nad terytoryjaj Rasii, a Southwind Airlines budzie ablatać jaje ŭzdoŭž miažy pa terytoryi Polščy. Naprykład, anałahičnym čynam vykonvajuć pieraloty samaloty avijakampanii Turkish Airlines (ź Biełarusi kampanija ciapier nie robić rejsy).
Taki šlach našmat karaciejšy za toj, jakim vymušanyja lotać samaloty aviakampanii Belavia. Nahadajem, što ŭ adkaz na prymusovuju pasadku ŭ Minsku samalota kampanii Ryanair, na borcie jakoha znachodzilisia Raman Pratasievič i Safija Sapieha, Belavia zabaranili lotać nad terytoryjaj ES.
Pieralot z Belavia zajmaje 5 hadzin 40 chvilin. Kvitki na vylet ź Minska ŭ Stambuł na 23 śniežnia kaštujuć ad 678 rubloŭ.
Pieršy vylet sa Stambuła ŭ Minsk kampanii Southwind Airlines zapłanavany na 22 śniežnia. Pieršy rejs pa maršrucie Minsk-Stambuł dasiažny na 23 śniežnia.
Na biahučy momant cana bileta ŭ adzin bok u tureckaj aviakampanii pačynajecca z 203 jeŭra (prykładna stolki ž, kolki ŭ biełaruskaj avijakampanii).
Pamior dzied Koli Łukašenki — były viazień HUŁAHa, asudžany za dapamohu «banderaŭcam»9
Kamientary